最近龍蝦減價，大家都成日買龍蝦食，買得龍蝦當然想佢煮個一刻都係最新鮮，所以我地搵左龍蝦保鮮既資料，發現各適其式，以下歸納幾種見過既方法:1) 買到返屋企由龍蝦尾部捅入筷子貫穿蝦身放尿，然後放入雪櫃2) 用鹽水養住龍蝦直至煮既時候3) 就咁放入雪櫃直至煮究竟咩去做龍蝦保鮮方法先岩?今次同你分享下我地既龍蝦保鮮資料搜集結果龍蝦保鮮法 3種龍蝦保鮮方法既短評:1) 放尿再擺入雪櫃首先龍蝦既尿係由觸鬚旁既排泄孔排出，尾部既窿其實係肛門，由肛門捅入去既係龍蝦腸，入面可能有糞便，但龍蝦腸黎講，根本你拆開龍蝦既時候就咁拎出就得。而流出既透明液體係龍蝦血，新鮮龍蝦血無異味的，煮熟會變成蛋白狀。最近美國更更有大學教授話研究緊用龍蝦血對抗武漢肺炎… https://bit.ly/3f3KkYa再者，放尿依個動作睇上去都幾殘忍，我唔知龍蝦有無感覺，但好似會令佢更痛苦咁。 同埋放左尿無耐佢就會死，做唔到龍蝦保鮮。2) 用鹽水養住龍蝦葉師傅，唔係咁易架。要用水養住龍蝦保鮮，鹽度要保持28-35ppt，仲有溫度、含氧量、含氨量同酸鹼度都有講究。唔係要同隻龍蝦過人世既話都係捨難取易好d!3) 就咁放入雪櫃直至煮我今次就係咁做，不過隻龍蝦都瓜左。其實應該要用濕毛巾包住龍蝦放入冰格，保持濕度之餘令佢既生陳代謝減至最低，所需既氧份自然少d同可以活耐d。似乎依個係最簡單直接既方法。參考資料:https://bit.ly/2yVev3ghttps://nyti.ms/3bLrUtg 係肛門插入筷子點聽都唔係個好主意… 講完龍蝦保鮮，簡單講埋點拆龍蝦。先沖沖水 捉住蝦頭蝦身，360度扭開佢 咁就分離出兩部份 修剪觸鬚 將頭分開上下兩部份 搣走腮 剪走龍蝦腳 將龍蝦身劈開一半 搣走龍蝦腸，完成！可以煮上湯龍蝦伊麵喇！中英文詳細介紹其他相關食譜講得龍蝦，點可以唔提上湯龍蝦伊麵?除左龍蝦伊麵，要講經典龍蝦菜式，點可以唔提芝士焗龍蝦？你知唔知用普通中蝦黎整濃湯，味道可以拍得住新鮮龍蝦湯?Facebook: 小夫妻OvercookedIG: couple_overcookedWebsite: www.coupleovercooked.com
