今次既蕃茄薯仔魚湯用多個技巧去再令個湯既鮮味提升，就係用左整無水料理既方法去整依個湯。即係點？睇下今篇介紹，其實相當簡單就做得到。極濃蕃茄薯仔魚湯 魚湯又易整，材料配搭又多，絕對係家常菜既鐵膽，而今次用左整無水料理既方法，先帶出蔬菜既鮮味，再加魚湯落去，輕鬆將依個湯變得更好飲！ 材料係魚（我地今次用左幾條青根），蕃茄同薯仔仲有洋蔥（煲完出黎發覺無都ok，味道唔算夾）同埋少少蔥花（最後忘記左落） 將蔬菜切好，放入鑄鐵鍋，加少少鹽同黑椒，唔洗加水，冚蓋直接細火煲佢15分鐘。無水料理要用到鎖水同保溫能力都好好既鑄鐵鍋。 煲緊蔬菜，可以整d魚喇，d魚買到返屋企一定要沖沖佢，尤其要輕輕刮走d血紅色既組織，將腥味來源完全除去 佢薑片猛火爆香 落魚，保持猛火，煎到佢熟透同變成蓉 即係咁 撞滾水落去，一撞落去就會變成奶白色，然後中火煮佢半個鐘等佢出味 隔渣，一鍋超濃既魚湯就準備好了，可以試下味，超鮮甜的 蔬菜已經變腍同提出鮮味，將魚湯加入鍋滾起後細火煮多10分鐘就完成了。蔬菜經過無水煮法會出水，而用左氣密性強既鑄鐵鍋，你會發現有好多水份都保留左係鍋中，而我地個魚湯都特別加少左水，令整味道更香濃中英文詳細食譜Website: www.coupleovercooked.comFacebook: 小夫妻OvercookedIG: couple_overcooked
