有人話油鹽水浸魚係世上最好食既煮魚方法，恕我地未能同意依個講法。我地唔算非常鍾意食魚，但無水蒸魚真係好食到不得了，一個例子係之前整過既無水蒸蟠龍鱔。今次我地就用左d之前都未用過既方法去整無水蒸魚，結果係好食到不得了，一定要介紹下！中英文詳細食譜金醬無水蒸魚 個人認為無水蒸魚既方法係最好食的，佢比清蒸更好食，魚肉既質感會比隔水蒸黎得細嫩多汁，更加食到魚既鮮味。今次仲用左方法進一步提升無水蒸魚既好味指數，一齊睇下點做啦！ 行過街市，入手左一條游水石蚌做無水蒸魚當然都係養魚，好想有機會試下野生石蚌係咩風味 無水蒸魚一般都會搵d瓜菜氈底，今次用左勝瓜，用無水蒸方法整出黎既勝瓜香甜又吸晒魚既鮮味至於金醬即係用味噌、味醂、日本醬油同蒜蓉調和而成既醬汁，我地開始對佢既喜愛多於中式傳統蒸魚豉油了 清洗魚，所有血紅色既部份都儘量捽走，咁就可以避免蒸完既魚有腥味，咁做亦可以唔洗加薑令條魚沾上薑味石蚌肚內有舊黃油，定律來的，記住叫賣魚叔叔唔好扔，可以用黎鋪係面黎整無水蒸魚，增加鮮味 洗好魚，由佢晾一晾水 勝瓜切成厚片 鋪好材料係鍋，將魚直立咁放係一個令佢更好食既技巧，轉頭講講我地都寫左篇文章介紹我地用緊既依個鍋，用黎整無水料理非常好用 準備金醬，將1湯匙味噌、1茶匙味醂、1茶匙日本醬油同2瓣蒜蓉撈埋最緊要試下味。稍為咸少少都唔緊要，因為一邊無水蒸食材會一邊出水稀釋醬汁 將金醬鋪上魚身 將魚直立放置會達至更好效果，有幾個原因：醬汁可以平均沾到兩邊魚身，令味道更平均最後落滾油既步驟油可以淥晒兩邊魚身，令兩邊都質感油滑魚腩部份較接近火源，由於魚腩有油脂，食起上黎會有略略煎香左既效果直立上碟較好睇（個人喜好）中英文詳細食譜Website: www.coupleovercooked.comFacebook: 小夫妻OvercookedIG: couple_overcooked
