卡邦尼意粉濃厚香滑，但食到尾難免有少少油膩感，但加入左韓國泡菜去整依道泡菜卡邦尼意粉，油膩感全消之餘，仲好似有特別既化學作用咁，令個意粉更好食。泡菜卡邦尼意粉 卡邦尼本身既香濃配上泡菜既開胃，依個泡菜卡邦尼意粉係簡單特別又美味既日常輕鬆煮之選 材料有意粉、煙肉、忌廉、蛋黃三隻、巴馬臣芝士、泡菜 首先淥意粉先，要煮到al dente既口感既話時間掌握非常重要。包裝上話要煮11分鐘，我地只係淥左7分鐘。有關一d煮意粉既小小心得可以睇睇我地上次整日式明太子忌廉意粉 將4片煙肉切粒，大火煎到香脆，將油逼出 將意粉加入，轉中細火，撈鬆佢。依個時候覺得意粉太乾，可以加返少少淥意粉既意粉水，令佢有少少濕潤 熄火，隨意加入巴馬臣芝士碎 倒入卡邦尼汁，由3個蛋黃同150ml忌廉溝成。如果唔夠熱既話可以開返細火一陣，稍為將汁煮熱。依個時間可以試一試味，加少少鹽調味，唔洗太咸，之後加泡菜都有咸味 最後加入泡菜拌勻就可 之前仲試過煎埋d大大隻帶子放落泡菜卡邦尼意粉，配埋個人參雞湯，咁就係一席二人前既fusion韓國餐中英對照食譜Website: www.coupleovercooked.comFacebook: 小夫妻OvercookedIG: couple_overcooked
