聽過唔同人講，食一條新鮮既魚，最好食既方法並唔係清蒸，而係用油鹽水浸魚，因為火喉易控制，可以好簡單咁煮到肉質嫩滑，同埋帶出魚既鮮味。今次就用2個網上搵到既唔同方法，去試一試究竟用依個方法去煮魚，係唔係真係好食過清蒸！油鹽水浸沙巴躉 第一個方法係用職人吹水既方法，原條魚浸落油鹽水，一齊黎睇下點做。 講點整之前，講講條魚先。兩次我地都係用左圖中55蚊條既沙巴龍躉，一斤左右。佢係花尾龍躉同老虎斑既混種，近年去酒樓飲宴經常都會見到佢，因為佢人工繁殖既速度特別快，比起野生既斑價錢較平，貨源亦相對穩定，不過肉質就比較粗糙，一分錢一分貨。 條魚買到返屋企已經劏好，仔細沖淨內臟同用刀刮走身上既潺。 煮既過程好簡單，先將薑片同蔥段仲有2湯匙既鹽（我地仲加左月桂葉同八角，可略）加入滾水，滾左一陣就加入魚。轉細火，加入2湯匙生油，煮魚既過程中不斷由鍋勺水淋落條魚，煮到5分鐘，翻轉條魚，再煮+淋多5分鐘，然後就可以上碟。上碟前係魚身上鋪上蔥花，淋上滾油，再落蒸魚豉油就完成。 咁樣煮法，魚質係嫩滑左，不過唔知點解亦會緊緻左，實左，質地上我地反而無咁鍾意。而味道上，油鹽水本身提鮮能力唔太強，但將肉再點豉油又會偏咸，加上依個方法比起清蒸其實係多左功夫，所以結論係…或者依個方法唔太適合我地lol 然後早排又睇到梁祖堯教佢煮油鹽水魚既方法，有d唔同既地方，所以再戰一次。 洗淨魚後，將佢切件。 裁到容易進食就可以。 同樣係準備d薑同蔥。 猛火落油，爆香薑片，再落2湯匙粗鹽炒一陣 將魚件落埋鑊，稍煎一陣 然後可以將溫水撞入，夠覆蓋魚件就可以。轉細火，由佢煮3分鐘，臨煮起時加蔥。中途可以隔走少少浮上黎既泡 上碟喇。依個方法食起上黎會香d，魚肉同時係好嫩滑，如果同第一個方法比起，依個方法比較上惹味，如果再整油鹽水浸魚大概都會揀依個方法。結語講起我最鐘意既家常食法，首選仍然係清蒸，一個調得好既蒸魚豉油真係可以令條魚變得好好好好食。而油鹽水浸魚，間中轉下口味食下亦無不可，但再煮多次，我會揀第二個方法lol中英文詳細食譜Website: www.coupleovercooked.comFacebook: 小夫妻OvercookedIG: couple_overcooked
