芝士焗龍蝦可以話係節慶代表菜，過時過節諗唔到煮乜，買2隻龍蝦同少少芝士拎去焗，簡簡單單就可以整出一味令親戚朋友都流晒口水既菜式。限聚令唔可以一大班人慶祝？好似我地咁冬至飯兩個人一人一隻龍蝦，加個炒飯烚個菜，節慶氣氛亦即時濃厚起黎！芝士焗龍蝦 芝士焗龍蝦係桌上既螢火蟲，幾時都咁鮮明出眾，係過時過節氹大家開心既好選擇屋企無火槍，如果再輕炙一下d芝士得佢地再焦少少就perfect 啖啖龍蝦肉配香濃芝士，芝士焗龍蝦就係過節既味道！ 聽講最近中澳關係差，澳洲龍蝦都唔入口中國，所以香港多左好多澳龍，仲要賣得平左。不過冬至買龍蝦一定講唔得係平架喇，依度兩隻斤半左右重，都300幾蚊 開好邊了 可以簡單準備牛油醬汁，將一湯匙左右既牛油連同3粒蒜整成既蒜蓉放入鍋，慢火由佢煮出香味 再加d味醂、鹽同乾香草(用左番茜)，調到自己覺得岩味 然後就可以將醬汁倒上龍蝦 放入預熱左200度既焗爐，以180度焗5分鐘 依個時間準備芝士，我地都係用普通包裝芝士，依度係mozzarella溝埋parmesan 拎出龍蝦，灑上芝士，再以230度焗多5分鐘 好鍾意睇住d芝士慢慢熔，再焗成焦脆既樣最好可以有火槍最後再輕炙下d芝士中英文詳細食譜Website:www.coupleovercooked.comFacebook: 小夫妻OvercookedIG: couple_overcooked
