面對排山倒海的旅遊書、旅遊部落格等資訊，我們的即食短trip慣性跟著走到此一遊。不過旅遊有很多境界，一個人、一行人、兩個人、一家人。你練到咩level? 喜歡一個人的，一定是屬於是愛自己的功能組別。自己摸索行程、自己看地圖向當地人問路，自己吃一頓簡單的料理填飽肚子再起行，一個人坐交通工具，一個人住hostel 或旅館，悠哉隨性。有朋友問過：「你一個人去旅行，食到好好味既食物點算？咪無人可以分享？」這是什麼爛問題？天呀，到底幾時開始我地要萬事都要與人分享？上機影相打卡，到達再打，餐廳又打，為咩？分享既本義係咩？share=like?雖然Facebook 都已經好貼心地有齊以上兩個選擇，但永遠係手機上碌下碌下睇人地留俾你既like同comment 係咪真係你旅行既目的？你有否嘗試過一個人遊歷既經驗？毋需討論行程，話去就去，搭錯車行錯路無壓力，無人會怪你，見到得意小店行足三個鐘無人催你，今日去唔切目的地？聽日再去囉！ 當然我明白有人覺得一個人去旅行會寂寞，但有時候同寂寞相處未嘗不可，獨處下你會發現自己的無窮盡潛能，原來平時口講唔敢自己訓，但被迫自己住時總會有一日頂唔順閉眼熟睡，原來自己可以一日走十公里面不改容，原來唔需要共同語言一樣可以買到滿載而歸，原來一個人都有屬於自己的浪漫。 去旅行不必急於在facebook 分享當下，因為沈澱過後的感覺，才是消化過後的得著。 以上純粹個人感受，歡迎交流台灣生活的種種。 www.facebook.com/corner72
