【小雯去廣州，悠悠閒閒復活節三天遊】DAY 2 花園酒店-＞海珠菜市場-＞流花湖公園 早上起床後，我們吃過簡單的早餐，只是在外面買麵包和自己在酒店房間沖杯咖啡就出發去^^ 出到酒店門口，見到好多美麗嘅花朵，人都醒神啲！ 醒神後出發去動物園啊^III^ 我哋搭地鐵去到動物園站，已經見到很多大人拖住小朋友，在動物園售票處打算買票時我們靈機一觸，不如把明天和今天早上的行程掉轉，因為明天是星期一沒有太多人來動物園，應該會好行一些，就這樣決定吧！然後我哋改咗行程去海珠區，GOGOGO～～～（最後我們都覺得這個決定是沒有錯的） 在動物園附近站坐公車去海珠區，一下車～～～空氣很好啊！很涼快！涼快過在公車裏的空調，很舒服！天氣又很好！在這裏我們沒有什麼固定景點，只是周圍逛逛^^ 行下行下就在街市閒逛，其實小文很喜歡逛逛街市呢：P 小文話在這裏行街市好似返咗去40年前，哈哈哈⋯⋯（自爆年紀） 點擊圖片放大 在街市裏買了一碗芝麻糊，實在太太太好味啦！！！只是$4人民幣咋：O 點擊圖片放大 +2 唔知點解我地覺得呢度有點兒似澳門～ 小雯和小文都好鍾意食懷舊食品，我哋買咗爽糖酥，都係$2.5人民幣，好抵好味：） 不經不覺已到午餐時間，到左廣州都未食腸粉啊～就係附近搵咗間食粥和拉腸，夾埋都只不過是四十多元人民幣，好唔好食過銀記就唔知但我認為會平過佢！同埋我覺得呢度都好好味：P 之後再周圍行下見到呢間餅店好多人排隊，原來係排隊買花生酥，真係咁好味呢？但係我又唔想排隊，因為太多人，所以我哋淨係買咗光酥餅$3雞就走人啦～～ 食咗芝麻糊唔夠喉，再食多兩碗糖水，勁推介芝麻糊、杏仁糊，真係好好好好好味！！！！！ 哇！今次小文發癲啊～見到音響城⋯⋯如果我唔拉住佢，佢可以係度行成日都得啦～＿～'''' 行逛完真係要返去酒店休息下，食個爽糖酥，hmm.... 小雯就鍾意食五仁酥多啲，好好味呀～～：P 再去下一站就係流星花園⋯⋯唔系⋯⋯應該係流花湖公園至係真，嘻嘻⋯⋯ 點擊圖片放大 +3 真係好鍾意呢個公園，又大又靚，又行得舒服，仲要係唔使入場費，讚！ 今日真係行咗好多路啊～回程嘅時候無啦啦行咗去廣州火車站，再搭地鐵返去在酒店附近就見到呢間食獅頭鵝，好似好正就去試下啦！ 點擊圖片放大 +3 呢間食獅頭鵝都唔貴呀～係香港食呢個價錢就一定唔得～～ 叫咗一碟獅頭鵝，本來想叫花甲但賣晒，叫咗碟菜仲有當然係要食飯，夾埋$100都唔使。 攰＋眼瞓，回酒店覺覺豬ZZZ⋯⋯明天真的要去動物園啦～～！！ DATA： 交通&景點： 海珠區 --＞ 乘搭公車191路在塹口下車 流花湖公園--＞在花園酒店行去東風大酒店公車站，坐133路在東風西路下車，步行到流花湖公園。
