【小雯去廣州，悠悠閒閒復活節三天遊】Day 1 香港-＞廣州-＞花園酒店-＞廣東省博物館-＞酒店自助餐 今次小雯和小文一早買定套票，因為得到上次的教訓想在上次假期去旅行，就咪咪麼麼在假期前兩天先去買，怎知個價錢真係。。。我們呢D窮鬼真係去唔起＞_＜ 我們今次在紅磡搭火車來回廣州，住的是花園酒店，第一日有自助晚餐，三日兩夜早去下午返，唔好講咁多我哋而家出發！ 我哋去廣州個程火車係國產車，單層，一般舒適，冷氣凍左少少，年紀大啊唔似前邊個妹妹可以穿短褲仔：P 我在出發前一天去了賣電話卡鋪頭買了一張中國聯通原價78元但$48就可以了，哈哈⋯⋯ 去到廣州火車站，已經見到花園酒店個counter啦，好快人齊就去搭車，大約15分鐘就到酒店，去到酒店大堂都幾靚啊！但最衰要等排隊check-in，我哋去到都係中午12點半，所以未有咁快可以有房間，我們放低行李之後就去搵野食啦！ 小文話大堂頂設計好似聽音樂會嘅音樂廳＝_＝'' 去咗酒店附近一間食雲吞麵舖頭，叫咗雲吞麵油菜可樂醫下肚仔就去第一個景點——廣東省博物館 搭地下鐵到獵德站落車，行到去差不多到廣州圖書館附近見到一個伯伯賣叮叮糖，好懷舊啊！有些小朋友去買來食，我問小朋友幾多錢，他們說$5, 我便和伯伯要$5、好好味不太甜，伯伯見我幫襯還祝我發財，還有其他但我不懂聽他的鄉下話，但一定係好野＾＾承你貴言！一邊走一邊吃^^ 去到博物館門口有一條長長的人龍，原來排這條龍拿着身份證或回鄉咭可以有一張當天免費入場券 博物館好大，我們只參觀了歷史館和動物館～ 點擊圖片放大 +3 還有恐龍骨真厲害哦！！！ 行到有點兒攰，回程坐巴士到酒店門口，可以check-in去房間休息下，YEAH！ 進入酒店房間感覺好舒適，雖然沒有浴缸，但有咖啡機最啱我呢啲咖啡控！ 唔好講笑！嘆杯咖啡先！唔係咩啊！ 休息左一陣就去酒店嘅自助晚餐，好期待啊～唔知有咩野食呢？肚仔打哂鼓啦：P 真係冇咩驚喜，都係一般自助餐野食啦有壽司、拉麵、中式蔥油包、馬蹄糕⋯⋯西式有牛扒豬頸肉雞排羊排都有但係⋯⋯好鞋⋯⋯最好味呢～～就係甜品啦！！但都係得西式冇中式，但都好多選擇，都坐得好舒服^^ 食飽飽就返房間瞓覺明天出發去動物園^III^ DATA： 住宿：花園酒店 http://www2.gardenhotel.com/cn/ 地址：广东省广州市越秀区环市东路 368 号 交通&景點： 廣東省博物館 http://www.gdmuseum.com 地址: 广东省广州市天河区珠江新城珠江东路2号 -＞地鐵5號線猎德站下車, 沿着冼村路沿着天橋去圖書館方向，附近就是廣東省博物館，或乘搭公車886號在冼村路站下車。
