早上7點半在酒店食自助早餐 好傳統感覺的大酒店自助早餐，食物沒有大驚喜，但不過不失，客人不多，環境舒服。 吃完早餐後我們搭公車去韶關東，轉乘丹霞山的專車（15分鐘一班，車程50分鐘），每人16元人民幣 下車時，已有很多人迎接我們，我們不是什麼大人物，是問我們"是否去丹霞山？"我們有門票...有住宿嗎？...."等等這些事情，但我們一於當佢地透明！ 門票+竹筏船票每人220元人民幣 之後有車載我們到上船地方，但剛開了車，要等下一班10分鐘～ 點擊圖片放大 全個船程大約1個小時，其實有另外選擇便是入了去才買船票，但不是坐竹筏，而是遊艇，當然價錢會貴些。 落船後剛好是職員用膳時間，呢個時候大家都好無聊，周圍又無咩特別好睇，只是有一些小攤販賣小食。 等到職員食完飯就開車，送到陽元山，我們便要自己行了。 CoolMan和MaryGlass到此一遊 行完山（其實只是一丁點），我們已經好肚餓，一下山便見到車我們去坐竹筏的師傅，佢話車我們去食飯又問我們之後去邊，我仲覺得佢好好人，原來是帶我們去佢識人既地方去食野然後佢當然有"著數"啦！ 三送一湯白飯兩碗，盛惠119元 個老闆娘問我們介紹我們食魚，你估我地真係'水魚'咩，我問有無雞食，佢當然話有，仲話係新鮮雞，我話要半隻，佢話我一定要晒全隻，問了價錢後，我地決定食其他，哈哈！係大陸食野，我最頂唔順就係D油都唔知咩油，一陣怪味，又唔係話難食，只不過呢陣味幾日都會留在口裡-_-# 食完老闆娘問我地要師傅來接，我一口拒絕，自己行下仲自在寫意啦！ 在遊客中心搭專車去索道站。 強國人搭車唔排隊，坐索道是也，好在唔多人搭，可以唔洗同Ｄ三唔識七既人一齊坐同一部，但佢地可以囉，仲好似驚無得搭甘~(O晒咀) 8-O 好快就到了長老峰 點擊圖片放大 行到韶音亭，一覽無遺的景觀真是嘆為觀止，好靚呀！（若沒有強國人佢地Ｄ細路周圍大叫會更加好＠＠） 我地無腳骨力，所以好快又搭索道落山，呵呵！～ 落左山搵車搭返去韶關東，見到停車場附近有公車總站，我便問在裡面的工作人員，只見有兩個女的職員在傾計，我好似打擾他們，其中一人話在２０米前，下？！即是在那裡？ 我們便去找找看看，又見到蛓我們去食午餐的職員，真巧合！哈哈！其實食完飯在途中我們都見到佢但扮見唔到～嘻嘻。。。 我去問佢知唔知公車站在那裡，佢知道教我們怎樣行，佢又好客氣話車我們過去，我就話唔好麻煩晒你，當然真相係驚佢有唔知想車我們去邊，買野呀或者之類，防人之心不可無呀！最後佢問我們今晃找到住宿未？我都話架啦～ 如果唔係見到個職員，我們真係唔知個車站係邊 我地買完車票才知是當日的最後一班車，真係好彩呀！ 回酒店休息一陣，便出發去風采樓附近搵食，風采樓夜晚都幾靚。 我地周圍睇都好似無間好，我地又怕多人食煙，便去了仙踪林。 望住個江來品嚐晚餐都唔錯 :-P 今日既行程到此結束，回酒店休息，明天回香港了～！
