第一次用護膚品可以有咁好既嗅覺享受，全套產品都帶有好清新好refreshing既香橙味，一路搽護膚品都一路有好開心既感覺！今次用既護膚品係Murad, Murad係指Dr Howard Murad, 唔講唔知，佢係全球首創由醫生研創既醫學護膚品牌，有18個皮膚專利！堅！ 介紹產品之前，一定要先認識品牌理念，咁樣你先可以做到由內靚到外，從根本為健康同肌膚帶黎延緩衰老方法。 品牌以內外健康管理為基礎，外在健康可透過使用Murad護膚品調理；內在健康就是要有健康既飲食習慣，可進食合適既補充食品調理；最後係情緒管理，要保持積極輕鬆既情緒減少壓力防止細胞衰老！ 當你踏進Murad專門店選購產品時，你會發覺murad會同其他品牌既唔同之處，佢地都會要做一份問卷，會去瞭解你既生活習慣、情緒指數，如果你少飲水，BA都會指導飲水既重要性，你會發覺呢間雖然係護膚品店，但係會從顧客既健康出發！ 呢本書係BA推薦的，作者就是Dr. Murad，書名《這樣吃水最有效》，裡面有講衰老原因，如何可延緩衰老，仲有有用既抗老食譜！書名叫《吃水》也是有原因的！ 良好飲食習慣係有好肌膚既基礎，外在搽既護膚品亦有輔助作用，今次試用murad維他命C系列，有一trial set包括維他命C潔面啫喱、活性亮采精華特含維他命C複合物、spf30維他命C美白日霜同spf15維他命C修護眼霜。另外有維他命C 爽膚水。 Trial set 裡每樣產品容量不多，但我已連續用了個多星期但還剩下一半有多，所以也蠻划算用。 護膚第一步：清潔---Essential-C cleanser維他命C潔面啫喱 啫喱入面有橙橙色微粒，用時濕手濕面慢慢將啫喱於面上打圈按摩，微粒會溶解，之後用水沖就ok。估唔到連洗面都有香橙陪住我。超香香橙味！ 呢個產品係我用完覺得超好用既，比我有amazing既感覺。我本身為左想加強清潔就買左部clarisonic潔面機，用完覺得塊面真係乾淨左，但就會令皮膚比較乾一點，而我用完呢個cleanser竟然有用完潔面機既效果！洗完可以見到鼻翼兩旁乾淨無污垢的毛孔但又不會令皮膚猛猛緊。 爽膚---Essential-C Toner維他命C 爽膚水 呢個潔面後用，方便在於係有個噴嘴，可以直接噴面，隨時隨地補濕。呢個可以平衡皮膚酸鹼度，有保濕同收斂功效，抵禦自由基傷害。 因為有收斂作用，所以我亦會配合用離子導出器做清潔步驟，用後會見綿花黃黃的，令皮膚更乾淨！ 護膚第二步：護理---Active Radiance Serum featuring resilient-c complex活性亮采精華特含維他命C複合物 呢個精華我用得最快，不經不覺用晒咁滯，其實產品說明係只需薄薄搽一層就可以，但呢個實在太香（都係香橙味）太易被吸收！ 經臨床實驗證明，只需一個星期使用，能改善肌膚天然光澤及剔透度，令肌膚回復緊緻柔滑、亮白均勻。 補濕---essential-C eye cream spf15 眼霜, Essential-C day moisture spf15 美白日霜 眼霜都有防曬好岩我，因為我自己係成日唔記得搽防曬既，呢個可阻隔UVA/UVB對皮膚造成既衰老，而且眼霜質地潤而不膩，質地攞上手比較厚身，但估唔到又咁易推開同吸收，即時可減淡眼紋。 面霜質地較潤，所以薄薄搽一層就可以，我用日霜後直接上粉底，中間免卻搽base都夠貼。 整體而言，用一整套同一品牌護膚品可以互補產品之間作用，係新手既好選擇。 另外要記得，Dr Murad既哲學：兼顧外在健康，內在健康同埋情緒，由內靚到外！
