終於等到希慎廣場開幕喇…由以前既三越，到而家既希慎，呢個位我真係成日去，因為搭車返屋企個站就響呢度，三越充滿我美好既回憶（讀書時成日去呢度“蒲”)！所以其實我由開幕日開始到而家我都行左4,5次架喇，其中一站唔少得當然係誠品！呢度誠品同台灣賣既差唔多，都係台灣本土出品，有天仁茶、亞原之類！ 而家誠品做開幕優惠，平時要$2500先可以做vip,而家只要$1000，張卡去台灣都可以有優惠有九折，所以我等到cashier終於無咩人就入手喇！ 書當然係主打，有D書係幫人買，我自己主要睇呢4本，鄭多蓮有幾紅不用說啦，連我去比錢時個收銀姐姐都話有睇，youtube有曬所有片，叫我不用買dvd！另外有一本蔬果汁，減到肚子當然好，不過我最主要是想身體好一點，朝早飲一本新打蔬果汁可以增加身體酵素，希望自己身體好，保養好，咁樣先可由內至外都keep到！（願望 ）另一本《這樣吃水最有效》是Dr Murad寫的，本來我都唔識呢個doctor, 但最近試用緊murad全套護膚品，佢主張美麗不只是塗在面上的，還是保持內在健康，佢出左好多本書，而呢本主要講“水”，教你好簡單咁改變飲水既方法就可以有較健康既生活。最後一本超大的叫“化妝品化學”，我沒有信心可以睇完呢本，但又覺得每日搽咁多產品上面，一D都唔知裡面成份係咩又唔係幾好，所以我會當呢本係字典用途，有時候慢慢睇下每種成份，用途。最起碼而家我唔會買含矽成份既野，不論護髮定護膚。 仲有，去誠品一定要去10樓既天仁茗茶，有試飲，可以試完先慢慢買，佢仲有個外賣位，賣一杯杯沖好既，上次試飲左蜂蜜綠茶加珍珠，綠茶連冰一齊打，會飲到好碎既冰粒，仲有個珍珠係好QQ，好好飲既！當然我都買左幾盒茶啦，紅色既係野果茶，有豐富維多C，個味酸酸地，雪凍會好好飲，另外有個叫美人茶，即係烏龍，都好好飲架！大合照：
