都幾耐無淘寶，今次一次過訂3間，2間衫、1間首飾仲有一間幫朋友訂牆貼，我自己之前都有訂牆貼，大幅既到而家都未敢貼，細細幅就貼左，可以睇：買樓※裝修※搬屋※新屋印記淘寶牆貼篇 先睇下衫啦，首先係呢間4皇冠：http://miss-0.taobao.com/呢間我第一次訂，不過係我最成日睇既一間，佢賣既類型係日系，係我最鍾意既類型，多連身裙、碎花、lace之類，但價錢比一般貴少少，所以今次先一次過訂到幾件。 呢件天氣凍少少先著，左邊係店鋪影既相，右邊係我自己影既實物相，手工同質地都好好，個料唔薄，入秋時先著到。 件t-shirt我超鍾意呢，唔係個公仔原因，係個質地好靚，好軟綿綿好滑身，著上身超舒服，又衫長少少既，2邊衫腳開叉，可以岩岩遮到pat pat但又修到腰位，so good!~另一件黑白都係如圖一樣，不過質地係易縐種類，我最憎要盪衫，呢件定要掛起，唔可以摺！ 另一間2皇冠： http://japankaka.taobao.com/，今次我都係第一次訂，訂左件好靚既背心，同通花上衣，買完呢件上衣先去行街，發覺forever21都有好多差唔多樣既，不過淘寶當然比21再平D啦！ 2件都係同店鋪既相一樣啦，件背心好似好性感咁，，後面要綁帶，未知點襯好。基本上收到5件都係好滿意既，呢2間都係信得過可以再訂既！ 跟住飾物呢，都係重複訂呢間：http://miosroom.taobao.com/ 之前都寫過呢間，前前後都訂過幾次架喇，能夠keep住訂，咁就知實物係幾好既！雖然而家上新既數目好似比之前少左同慢左。 總共訂左$134 RMB，響香港大約只可買到3樣左右，平平地襯下野都幾好啦。 連同牆貼，共訂4間，全部免國內運費，所以我用淘點集運只需計到香港一程既運費，總共$48RMB！ 最後呢，我應該會訂多次鞋就今季收工唔再訂衫住，因為會轉攻家居用品同文具之類。鞋呢之前已經睇中starmimi一對涼鞋，點知響第二間店見到一模一樣賣平好多呢！所以會訂埋對鞋就收工！就係呢對喇： 淘寶買野算平，但格下價，會搵到仲平，哈哈！
