成個七月只寫左2、3篇文，本來預計七月放假寫返多D野同試下做造型麵包，但太懶喇，有左ipad, smartphone就好少開電腦（用其他gadgets好難響yahoo blog插入圖片），大部分放假生活就係食、訓、追韓劇、打機，放假麻… 除左上星期去了SKII活動，我之前都去左書展、同去左SHISEIDO推廣會度修眉，因為我係會員，SHISEIDO又真係好多呢精推廣活動，成日打電話叫我去試化妝呀、修眉之類，其實我知自己對BA都幾耳仔軟所以推得就推，但今次就去左，又真係預期的聽BA話又買了一堆！ 先睇書展的：說真的，如果只是買書的不用去書展，一般小說類、食譜又不是特別平，買了一堆仲要重重的抬返屋企…我仲有前年買的書到而家都未睇的！所以書類好克制的只買了兩本，我已看完其中一本添，不需用腦、輕輕鬆鬆的最岩後假的我！另外就係訂雜誌，真的，訂雜誌真的超級抵！看到NEWSGROUP很多人訂書羅到超多禮物，尤其第一日，但人龍長到呢…有d人話要等4個鐘添，加果真的要等4個鐘我唔會訂，排隊既時間都係成本，但我去時已經過曬高峰期，完全唔駛等，咁多本我訂左MARIE CLAIRE，比較鐘意呢本既內容，我訂左一年，選左既禮物係AVENE礦泉水4枝同一SET 韓牌ENPRANI，呢個牌子香港唔係咁hit，但響韓國本土係好紅的！另外仲有一枝沐浴露。 跟住就去左SKII，呢個可以睇：我要有5D美肌★SKII基礎系列★ SKII 真的很大手筆，送了CLEAR LOTION, FACIAL TREATMENT ESSENCE, MASK（呢個唔捨得用住，留待急救用！）神仙水真的很好用，之後清了一點存貨會回購！同時有一盒男士用的旅行裝，已經說會送給朋友，但又很想搶來試下！ SKII的第二日就是我出血的日子了，去前盤算只買畫眉的產品就好。好耐無認真的去修眉（美容院的不計在內），今次又真的修得很不錯！所以當BA推銷我我都無咩反抗，所以買左唔響預期之內既眼霜，呢個眼霜應該係我比錢買過既最貴，係future solution系列的，$1200！只得15mL！future solution 系列係shiseido除左cle de peau之外既頂級，我見我同事平時唔做facial但皮膚都好好就係用呢條line, 而響counter試用又真係見到幼紋會淡左，所以就買左，另外買左粉底掃同眉筆，送左都算幾多既產品，最重要係送返future solution既產品，我而家都係先用sample既眼霜，未捨得開正貨size。 最後呢就係響卓越比我見到日本品牌既頭髮產品，呢個牌子響private i 賣得好貴呢，呢枝係用曲髮造型cream, 會keep得long lasting D！好好用！ 哇，夾埋有咁多野，黎緊要忍手，要清緊D貨先可以再買野！
