又可以試到又平又好用既開架產品喇，今次既係花王旗下biore新出既妝妝露，粉紅色包裝，好少女呢！ 呢個產品主打卸妝同時可以護膚，因為加入1/3美容保濕精華液，卸妝後都唔會覺得皮崩緊，呢個好重要，因為我之前試過洗完面皮膚被抽乾水份，之後無搽補濕既，好快面珠兩旁就發紅敏感…所以潔面對我黎講一定要有保濕，唔可以太乾！ 產品有230mL，泵裝，biore一向出名潔面產品，今次新產品都係—樣又平又好用！ 我大約用了3泵份量，泵出黎見液體比較杰，所以上到面會比落妝油厚少少，無香料味，產品說明話手濕面濕都可以用，好方便，可以沖涼時同時落妝，我今次試用就係乾面乾手時效果。 我慣常都係會搽防曬(sofina)、粉底(ipsa)、碎粉(ipsa)，胭脂(kanebo 開架)，眼線(kate)，因為我眼只會畫眼線無用mascara，所以我唔會另外用eye remover，一枝可以落埋眼既卸妝物就岩我D。 (左)落妝前，我返到屋企無即刻落妝但訓著左，訓醒仲見到條眼線（已經畫左超過15小時），面同鼻就個妝就溶左，淨返塊面一撻撻，油脂滿面咁。 用3泵份量搽勻全面，包括眼，鼻翼下巴油脂多既地方就按多一D，由於卸妝液質地較杰身亦易推開，按面時就好似減少左與面既摩擦力，基本上面既粉底會見到溶左，眼線呢要比較小心按走，避免卸妝液入左眼會有少少"淹"眼感覺，我習慣左用手攪店，當然用棉花捧會更方便，同埋防止卸妝液入眼呢個問題。 (右)呢個產品針對難卸彩妝(包括防水化妝品)，特有「迅速潔淨卸妝技術」，迅速徹底溶解並洗淨妝容。可見較難卸既眼線都可以好快按走。 只要30秒，好快見到粉底溶曬後就可以過水。 (左)過水中 (中)眼線洗走曬 (右)洗完塊面乾淨曬！ 呢個不同於落妝油會乳化，一路洗只會感覺皮膚慢慢變清爽，過水後皮膚都唔會崩緊，之後搽返爽膚水面霜就ok啦。 一般卸妝油如果無完全乳化，油份會積聚毛孔，洗得唔乾淨之餘更可能導致生暗瘡，呢個就性質溫和又有保濕作用，而且最重要既清潔效果亦出色，一枝大大枝有排用呢！
