又到左生日既時候，其實到而家我對生日都無咩感覺喇，無話買咩生日禮物，反而開心既係又可以名正言順大食大喝！ 先食完海鮮buffet，跟住食多餐海鮮，去左鯉魚門既快樂酒家，係鯉魚門咁多檔海鮮最入既一間！可以選露天全海景，不過即使坐室內都ok既，裝修、服務都不錯既！ 去鯉魚門食飯當然食海鮮啦，枱都未羅老闆娘叫我地選擇海鮮先，一黎我就選左至愛既花螺 ！ 今次係第三次黎呢度，人多時叫過芝士焗龍蝦伊麵底，超正，芝士味超濃，龍蝦彈牙，但今次黎只有2個人，所以無叫龍蝦，咁老闆娘就介紹我食奄仔蟹，因為我個朋友唔食蟹，好，咁我就一個人食一隻蟹！另外就叫左賴尿蝦、聖子、菜！ 左：每人都有免費既海鮮湯，上次黎好好飲，今次唔知係咪食左咸花生，再飲呢碗覺得比較淡！ 豉椒炒大聖子，叫左3隻聖子，好鮮甜，唔駛10秒食完！ 白灼花螺，花螺size比較細，老闆娘見我地2個人所以只稱少量花螺比我，但其實我係超鍾意食既呢！！食完曬先記得未影相！哈哈 再黎！ 左：椒鹽賴尿蝦，叫左大賴尿蝦2隻，一隻斬3件，都多膏既，味道係好惹味，但食完呢個覺得好有罪惡感，因為好肥。 中：我覺得係今晚主打，第一次成隻食，鹽焗奄仔蟹，原來奄仔蟹都有咁多膏！！勁興奮！又超好味！D膏係較軟身，好有油香，蟹肉都多，係我全晚至愛！ 跟住仲有碟菜，無影想，食完酒樓送上生果及甜品，甜品正呀，上層桂花糕，下層係杏汁糕，桂花層做得晶瑩通透，桂花味香濃，比酒樓點心做得更好！ 環境：★★★★ 價錢: ★★★ 食物質素: ：★★★★★ 鯉魚門食海鮮一向稍貴，但做菜色鮮味一流，呢餐食左一千有找，埋單時都有一點(登朋友)肉赤既感覺，但唸起到魚缸點海鮮時又叫呢樣叫o個樣但完全唔駛問價錢種豪氣又好開心喎，正！ 生日無陪寵物吉祥仔，送上吉祥仔相片。
