自從買左麵包機後發現，可以成日用既野真係早買早享受，本來成日以為自己會三分鐘熱度，麵包機會用幾次就唔玩，但唔係喎，我日日用咁滯呀，我唸如果我早一兩年就買，咁呢2年既買早餐錢都可以慳到部機既錢呀。 抱住早買精神，上星期快快落order買了一部機，係clarisonic超聲波潔面器，又係一早都好多人讚既野，我都係到今日先買，之前無買除左價錢之外，係因為我已有一部haba導出導入器，仲有一部hitachi hada crie！呢2部我真係到而家無咩用，唉，因為用呢2部做導出我都睇唔到棉花變黃既，所以無恆心用喇，而clarisonic既效用雖然都係即時睇唔到，但我日日都要洗面架啦，正如刷牙，有人用普通牙刷，有人用電動牙刷，我洗面就用電動潔面器羅！可以成日用到，我唸都值得投資一部！ 比較mia 2 同 pro，pro大部D，可以調較大D碼力，可以用響身，mia 2 細部D只可潔面，我想買pro，但yahoo seller話要等1 week先有貨，咁我唔等喇，就咁就買mia 2啦，一來新D，二來細D！ 我係搵yahoo seller買既，部機比水貨店平少少only，但佢賣既brush就比任何一間平，而brush係消耗品，買到平brush長遠黎講會抵D！ clarisonic可以配合自己用開既cleansing product，所以我買既係最基本組合再加一個brush，即係而家有：主機一個、敏感皮膚brush、普通brush、插座、保護套、洗臉乳，價錢為$1200 最主要我係希望可以減少生暗瘡機會同埋最好毛孔可以收細D啦，呢部係今年送比自己既生日禮物，買得好開心呢！ 產品資料： 比一般的洗面奶和卸妝產品的清潔效果好上6倍，而且即使只是與清水一起用，也可以清洗掉臉上的妝容。因為一般市面上的洗臉刷子都是旋轉型的，想像我們用牙刷刷牙的樣子，確實是可以清潔污垢，但是同時因為自己有時候用的力氣大，還有來回摩擦的方式，對皮膚的損傷都比較大。而Clarisonic是根據皮膚的自然彈力，通過高速來回收縮震動皮膚去清潔皮膚的，相對於旋轉或者來回摩擦要溫和多了，而且還有點按摩的功能。 我選左limited colour 桃紅色，靚靚！ 個size係羅上手岩岩好既，好簡單設計，只有較speed同開關掣。 刷頭可以換，唔同刷唔同色，跟機sensitive brush白色，另外買normal brush灰色。 個叉電好得意，部機可以響浴室用，所以唔見插電位，個叉電係磁石叉電呀，插頭連一類似磁石既物體，部機放側邊就會痴埋去，咁就痴到電，可能唔係直接叉電既關系，第一次叉電要24個鐘，大約可以用24次，之後就叉18個鐘。 第一次用完真係有好surprising既感覺，皮膚變得好滑，鼻頭既皮孔細緻左。 每次只係用1分鐘，因為超聲波關系，部機放上面一秒就其實已經轉動左600次，所以說明書都係叫你面部每part用二十秒，由額頭開始、鼻、下巴，我面比較敏感，所以我輕輕帶過就算，最勁係連眼都得，我會放響眼部5秒，一D都唔刺激架！第二次用就主打鼻位同下巴，發覺下巴位既暗粒都洗左D走，所以部野對洗白頭、黑頭、暗粒係好得既！ 我連續用左3晚，每次洗完都覺塊面滑滑，同埋之後搽toner同cream都特別吸收，而clarisonic官網仲有好多用完之後既對比照，我唸住以後用clarisonic幫我洗黑頭同去下巴既暗粒，其他位置就隔日先用，so good my gift!~
