時間岩岩好，過完新年食食食之後，胃口一路有增無減，食野份量無少到真係神仙都難救，又之前一路都係食完飯就坐同訓，我決定要認真減肥！ 一星期最少3晚飯後做下運動，暫時岩岩開始我只係落街快行45分鐘，行多幾次就試下慢跑，點解唔一開始就跑步呢……因為實在跑一陣（5分鐘唔夠）就斷氣咁制！ 做運動同時間做下按摩、搽緊膚精華真係可以事半功倍！ 上星期日特登出中環，做左兩件事，第一係去左clarins,做左skin time 美肌體驗，直頭係一到ifc就直衝去clarins專門店，第二係去apple store 更換ipod nano（未換既去換啦，有現貨唔駛等） 有男士系列添！ 我相信clarins一定係好注重客戶服務，一入專門店就見到6個BA，人手非常充足，比起而家好多品牌BA數目唔多，serve得自由行黎我試過真係無人理我！響clarins就一定唔會。 產品咁多，要搵BA幫手！ 今次試用有三個產品，唔係試面霜係試皇牌修身系列，我記得我讀中學時（10+年前）我大家姐就話過clarins系列good, 可以算做歷史悠久，效果有保證！ clarins 出品既纖體產品總類繁多，要搵自己岩用既真係要去專門店試清楚，BA個個都耐心幫你試。 IFC Clarins專門店不算大，但貨品佈置繁多，人手充裕。 今次試用既係：高清纖美緊膚精華、排水身體護理油及健胸提升啫喱 大合照： 我已經用左3日高清纖美緊膚精華，其實話最好早晚都用，不過我朝早真係比較難抽到時間，所以我都係夜晚好努力咁用！ 產品份量十足，每一個部位用5蚊大少份量，液體倒出黎有花香，橙色有紅色粒粒，就好似士多啤利咁，按摩起上黎感覺有輕輕磨砂作用。 搽纖美緊膚精華要由下向上搽，肚腩、大腿、手臂全部都係，精華液我會按至完全吸收，搽完皮膚會feel到緊緻同有光澤！仲有，搽完皮膚會涼浸浸，好似精華繼續發揮緊佢既功效。 排水身體護理油，成份全天然，質感同按摩油一樣但較香，可以夜晚沖涼後襯皮膚帶少量時按上皮膚，咁吸收會快D。由於我有時會去美容院做淋巴按摩，BA話可以羅去比人按，BA仲分享佢自己都用呢個護理油，比人按下半身（因為下半身水腫比較嚴重），一樽約可全身按3-4次，當然自己屋企用就份量慳好多啦！ 健胸提升啫喱 呢個應該比大胸人用啦（唔係我），可以提升胸部，個質地比前兩個產品易吸收，朝早用，質地似面部用既精華素，基本上都係一搽就吸收曬！ 收到呢3個產品，我就計劃下自己個減肥項目啦： 每晚會用高清纖美緊膚精華，一星期去2次比人按淋巴（即係一星期用2次排水身體護理油），同時計劃一星期飯後緩步45分鐘！ 減前：估唔到大脾有20吋（ ），手臂有10吋（ ） 希望可以持續使用，我會響5月7日分享進度！鼓勵鼓勵！
