之前參與了neutrogena新品white vitality essence 試用，昨天就獲邀出席了分享會，席上見到好多 beauty bloggers，平時佢地啲文我睇得多，真人都係第一次見！ Neutrogena 產品係garlie做代言人，很喜歡她，希望佢快啲生bb啦！ 入正題，尋日個分享會響旺角新世紀舉行，同時亦都係買neutrogena既好時機，買產品有75折外，仲有套裝，仲有購物滿優惠，買滿$450就送1set幾百蚊既套裝呀，一定比平時連鎖店做特價再平好多！ 分享會一開始就先邀請 blogger Berry 同Alphababy分享，之後就請皮膚科醫生分享，醫生話人新陳代謝率係影響個人美白效用好重要一環，後生可能28一個週期，但年紀大可能40-50日先係一個週期都未定... 所以回到最原本，除左搽可以加快皮膚更新既護膚品外，都要有充足睡眠、飲食均衡、運動..... 跟住就到me雜誌編輯分享，佢話一星期都會收到約10份有關美白既新聞稿，美白真係每個女人必要咁呀，產品咁多，選擇時就要選啲有醫學證據支持既產品，neutrogena呢個新系列係用左礦物離子（係銅同鋅金屬），當精華素雙管設計既成分混合，就會產生能量，激活細胞，為肌膚注入活性能量，加快新層代謝，淡化色斑！ 學到嘢，我自己就覺得美白同減肥一樣，係永無停止既，平時都一定要搽足防曬（我甚至會擔遮），唔係就搽幾多美白都無用！
