而家樣樣都貴，有什麼牌子係選擇多、而又價錢平呢？我相信都好難有產品平得過彩豐行，但彩豐行響網上既評論又唔係太好，我算好彩吧，用過的產品也不差（當然不可能期望有大牌的香味、成效），不過說到可改善的地方，請改良一下包裝吧，它們的產品也真的太醜了吧，改行無添加形象eg無印等簡簡單單的不是更好嗎！尤其是個皇牌沐浴露個包裝… 今次買了： 超皇牌的沐浴露，這個我打算介紹，因為我不會沖涼用，我現在還在用之前在泰國買的香薰body soap。那這個買來做什麼呢，是會倒入洗手皂瓶用，因為我發覺市面上的洗手液比呢個仲貴，哈哈，25蚊有超大枝！ 啤酒洗頭水： 話呢個用啤酒做，我估gimmick成分比較多，我買係因為呢個話可以減少甩頭髮，咁平就試下啦，我之前係用aveda 既be curly系列洗頭水，成$200一枝，但我就覺得無咩特別，洗完頭髮無特別鬈又無話頭髮滑左，用左呢個又真係洗頭時甩少左頭髮呀！平時洗頭頭髮會一“執執”咁甩架，用呢個洗頭就起碼甩少一半！ 補充：我而家仲開始食維生烏絲素，已經食完一盒，可能都有幫助頭髮增生！ 一次過買左4盒 rinse free conditioner: 我係鬈頭髮，每朝都要噴濕頭髮再搽cream, 用完lucidol就可以試呢個 透明質酸原液：其實我仲用緊大大枝既Dr Wu，應該有排都未用完，但試過呢個原液又幾易吸收喎，忍唔住買下了，但實際係有排先會開黎用！ 彩豐行送sample非常慷慨，買左不過二百蚊度，就已經送兩片面膜、洗頭水、面霜試用裝。 最貴係個透明質酸，可能原材料最貴，其餘都係二、三十蚊only 之後再陪家姐上去門市一次，時間係放工後，人山人海呢，今次買左枝沖涼用既oil，其實應該冬天用先好，但我皮膚好乾，都可以試下，另外就呢排得閑會浸腳，所以買左包細既浴鹽，幾蚊only!!!! 我家姐都有買野，夾埋一齊比錢之後又係收到一堆試用，我分左枝皇牌既H2O面膜試下啦！ 有時手痕痕想買野，黎彩豐行都幾好，產品又多又平，幾十蚊都足以過足買野既癮！唔好用都係一餐mc donald姐！
