4月22日係地球日，我參加左由kiehl's協辦既出海睇海豚活動，我係第一次去睇海豚呀！ 原本都唔知睇唔睇到，心裡預左睇唔到，但導遊話有95%機會睇到架，睇唔到一係海水太污濁，另一個係隻船太嘈嚇走D海豚！ 我地一早9:00就到尖沙咀集合，再坐車去東涌碼頭上船，最攪笑呢因為加左人所以原來2架旅遊巴士都滿左，剩底我地同另外2組就自己坐的士去碼頭，其實我地坐的士仲坐得舒服啦（嘻嘻，的士錢有得claim返！），去到東涌就有環保機構接待。 中華白海豚小知識：原名係印度太平洋駝背，初生係灰色，到大左先至褪色，變做粉紅色。最長體積可以去到3米，岩岩出世都有0.8米，胎生既！漁民唔係好鍾意海豚，因為佢地係食魚既，所以漁民叫佢地做烏忌or白忌。 我地上船後約45分鐘導遊就見到海豚既踪影喇，不過唔係話好近，見到佢地要等佢地遊上水，同埋無連環快拍都好難影到，你襟得個掣黎佢地都游返落水啦！船停留左個幾鐘，我就大約睇到十幾次海豚踪影，算唔錯喇！可以話今次出海既目標完成！ 到中午時係西式到會，其實我地比$125參加費又船又車已經有賺，估唔到個lunch都唔差呢，不過我覺得今次人數都幾多，要全部人羅食物都會好耐時間，如果就咁派飯盒/三文治都可以啦。但kiehl's D service好好呀，好有耐性，超讚！ 食完lunch就開始回程喇，kiehl's 仲有一份小禮物比我地參加者，今次真係又睇又食又拎呢！
