又又又…係淘寶喇，今次係買鞋。 繼收到超多件衫後，今次係買鞋，而且係日系既皮鞋，先黎鋪頭link: http://shop58778160.taobao.com/ sato店 已經係雙皇冠，主打賣日系既鞋，我夾過價（ ）呢間算賣日系鞋中鞋價比較平既，但次次都睇中一對但想慳D運費所以無訂到，今次連我家姐一對共訂3對就下訂了，不過這一間是不包郵的（無論你訂多少件！） 因為對鞋都幾重，高踭既係實木底，所以都幾重，所以如果有另外店係包郵既可能價錢總額會相差無幾，我用集運，淨係內地郵費都收左我27人仔喇！ 先黎我既鞋： 兩對都係啡色，但我唔想架，鍋釘對高踭鞋原本賣晒，我見返貨但已經賣晒杏色中碼喇，我唯有選啡色啦（另有黑色）。最攪笑無啦啦送左一對襪比我，哈哈！ 先講呢兩日我都著住既鞋先，相信大家去行街既話呢個款都有大把，但問題係我見到既多數都好高下，因為我見呢對超易襯，相信會係我響夏天除左涼鞋外另一常著既鞋，我想買D行好耐都唔會攰既，見到呢對岩我心水，即買！ 網頁有大量不同襯法既配搭相，基本上不論長襯褲短褲襯裙襯乜都好都可以，但踭又唔算高，我除左第一日新鞋就著住佢行左段山路覺得攰之外，而家著左幾日完全無問題！ 黎睇實物喇，我之前響collect point--jeanasis既香港counter買過一對（之前既分享：happii shopping day---衣服篇），我對過專櫃買既同呢對，不論鞋底、PU皮既厚薄甚至鞋帶既質料都一樣呀，而我專櫃買既鞋就減價後$4xx，價錢同呢對相差幾倍啦！ 呢對我買中碼，我平時係著36碼既，其實呢個碼買日系鞋都幾麻煩，買S又驚窄得滯，買M又驚鬆，我見呢對係綁帶既就買M碼，如果鬆既就綁實D鞋帶羅，結果真的如此，我著係有少少鬆架，不過綁帶後就ok啦，呢對我超級滿意！ 反而我將專櫃買既打入冷宮…哈 另一對喇： 其實呢對鞋我係一見鍾情架，個踭稍稍高，但非常顯瘦，我鍾情既杏色已經沒有了，唯有買啡色（鍾情杏色只因我自己已有好多啡色喇！），但另一問題喇，呢對已經無S碼我買，但我實在太鍾意呢對，唯有買M啡…結果都估到喇，上一對可以綁鞋，呢對鬆左少少仲要高踭就真係唔得喇… 超可惜呀，因為實物真係超級靚，實木鞋踭，皮夠厚，鍋釘造工都好…我只好提醒自己以後記得一定買S碼既日系鞋呀，M就岩37碼腳喇！ 實物相： （第三既為杏色，但唔夠光，影出黎比較暗） 我唔敢肯定係真皮，但摸上手都有真皮feel，http://item.taobao.com/item.htm?id=10751630938& 有超放大圖更清楚。 圖我真的不想浪費了這對鞋，原價是95人仔（仲要不包郵的）鞋，希望有37腳碼的有心人可以收留，HK$95 我想我與我姐姐都是不幸姐妹花，幫我家姐買的也是這一對，她穿40碼鞋，可以買到我愛的杏色，但…竟然…她穿不下！ 簡直不可置信，我鞋鬆尚且可以加鞋墊等，但佢直情著唔落就真的沒有辦法… 所以同我同一命運，睇下有無39碼既sis可以帶回家啦…網頁入面既相片影出黎顏色比我影既更貼近原色！ 我可以旺角、銅鑼灣、灣仔交收，為左唔想sis買左唔岩碼好似我咁，你唔介意既都可以響交收時試下個size既。 響網站訂日系鞋比訂衫風險更高，得L,S,M選擇，買完返黎差少少真係"dum"心又浪費地方擺，但如果淨係睇價錢既，好似今次咁我訂3對都唔夠我響香港買一對… 唯有下次再小心D睇size啦！ 有興趣既可以留private msg啦！
