之前已經介紹過呢個品牌：atorrege ad+ ，我係響watsXX's買既，急救爛面II----潔面篇 成set買晒既護膚品----急救爛面I 其中有個產品真係要有，以防萬一，呢個就係 skin soloution $480。 日本品牌 呢個牌子都有出面霜，但無藥效，又可以當面霜又可以有藥效就用skin solution啦，貴左少少，但點都要有一盒傍身，對於有敏感性皮膚既人如我。 質地係gel 狀乳液，可以舒緩皮膚紅腫，搽完有少少涼涼地既感覺，好吸收，但如果冬天用可能唔夠保濕，而家春天就當然無問題啦。 之前面、眼角位好感敏，又紅又有少少腫，我都靠呢set攪店，但上星期去染頭髮，可能有少少染料"high"到條頸，所以今次到頸有事（好多時其實我都唔係好知點解會起敏感），開頭少少紅，唔覺意下下就形成一撻野喇！ BA都話通常感敏都容易響眼角、面珠先起，如果我feel到呢D地方少少紅、好乾，我都會驚係敏感起，我一起洗完面就搽呢個先，如果皮膚好乾既（或冬天天氣乾燥）可能唔夠潤，我就點都搽呢個先然後等吸收後搽多層或搽水分重面霜！ 之前條頸出事，又紅又痕，頭一日無理，但第二日仲更加紅，下仲腫起添，即時唸起呢個產品，淨係搽響有事地方，舒緩左，而家唔痕，等紅印慢慢退。（而家已經退左，要好近睇先見到，所以而家就轉搽美白退埋D印！） 左：出事，已經腫起；右：搽左2日，退晒紅（我發覺我頸好易出事，唔知係咪我頸紋深既關系呢） 而家D天氣成日忽冷忽熱，忽濕忽乾，皮膚都幾易出事，所以呢個product會長期響我個skincare list！
