我又用蝸牛面膜：韓國nature republic VS Tony Moly <--之前用過2個韓國牌子既蝸牛面膜，nature republic 同 tony moly 2隻都係朋友幫我響韓國買，比起響香港買已經平好多，但tony moly 既hydro-gel mask都要$40一塊，而且重點係我得幾塊，用完就無，但原來去萬寧都買到一樣質地既超潤超保濕既gel mask, 佢就係Celebrity snail moisturizing gel mask, 說實在，如果唔係beautylife比我既試用，我都唔知道，而且我仲見萬寧特價賣$99（3塊，每塊28g)，真係可以慳返飛機費！ 呢個mask 主打用左TCD technology(我都唔知係乜)，總之話呢個技術會使超水凝精華融化滲透細胞，直達肌膚深處，成份有膠原蛋白及透明質酸，令皮膚水盈有光澤，量重要就仲有取自智利蝸牛既彈力蛋白！可以保護受損細胞！蝸牛素（snail secretion filtrate) 同透明質酸都係保濕至強，有呢2個孖寶就無死！ 呢個mask適用於任何皮膚，特別用於乾燥肌膚，我自己算混合性皮膚，但之前天氣超乾燥，我都攪到面紅紅要日日敷面膜先店，咁我就可以試到呢個面膜既真功夫！ 睇下面膜包裝： 一片摸上手都幾厚身。 開袋喇… 之前介紹過一個開架面膜---森田藥既玻尿酸面膜，價錢平但有個問題係太多“水”，一路敷一路滴，所以有D sis話唔鍾意因為太煩喇，但而家呢D 面膜一定無呢個問題，因為佢係gel mask，所有精華已經變左好似層魚膠既物體，精華亦都比較杰身，唔會一路敷一路滴，同埋佢係jelly質地，敷上面會涼浸浸好舒服，有即時舒緩皮膚感覺！ 個面膜質地同3層夾面膜包裝都同tony moly一樣，塊面膜都係一面滑嘟嘟、一面有淺網紋，特別之處係一樣分2截！ 因為係分左2截，所以面中間就會係重疊位，因為面膜質地係jelly，所以會好貼面，唯獨眼位開洞比較大，唔可以敷埋眼袋！而呢個面膜其實都幾隨你喜歡敷幾耐都得因為唔會乾既，我今次就大約敷左二十分鐘左右，可以見到即時改善乾燥，塊面滋潤左好多，而且膚色好似均勻左D！ 有呢個mask可以唔駛再托人響韓國入貨喇，呢個mask house出品既都係 made in korea!
