RMK一向出名粉底彩妝，今次有機會用晒佢既產品化個靚妝喇！多謝Ubeauty抽中我！ 今次活動係由日本化妝大師AT Kumimoto示範既，主要用最新春夏Sparkling Colours 系列。 Sparkling Colours分別有：Sparkling Eyes同Sparkling Cheeks。 右兩盒係今次新色 個sparkling Eyes同一般幾色眼影最大分別係一盒有幾種不同感覺既顏色，例如綠底就可以襯藍、襯金、襯啡，自己選不同顏色配搭就可帶出不同感覺，一盒多用！一星期七日，日日唔同都得！ 個Sparkling Cheeks係一盒2色，一邊係base（杰身D狀），一邊係粉，互相配搭用，可令個cheek上色同顏色持久D。 示範開始前，女model已經上左底妝，而我地學員呢亦有化妝師逐個為我地上底妝，好細心逐個幫我地上底，讚！ RMB出名既base同foundation 平時返工，我係搽粉底、胭脂同眼線，唔係好識得搽眼影搽得靚，今次要比心機上堂！ 上眼影喇！日本化妝大師選用非常春天既綠色做眼影base。 唔好以為綠色好怪，盒眼影跟個眼影掃係2個頭既，用base o個邊輕輕上眼窩位，日本化妝師話呢盒眼影主打自然效果，所以輕輕掃就好簡單好自然，果然見化妝師掃幾下，model隻眼就sharp左，跟住就用第二邊個掃上眼影，今次係上藍色！ 藍色係粉狀，用法超簡單，只係由中間掃開，去到眼瞼就可以，另外，亦可選金色、啡色作重疊，帶出唔同效果。 睇完眼妝示範，就到我地自己試下喇，全部眼影都係任我地試，我唔係好識化妝，所以我係試最穩陣唔出錯既啡色系列，好自然，好靚！ 試上手，好自然，新手如我就好岩，好驚一搽上眼就好深色，會好“娘。” 上胭脂喇，都係先上底色之後再上透亮既粉粒。胭脂分別有pink、orange同brown，我就試大路既pink，好自然又帶點可愛！哈哈 model本身已上mascara，而我響呢個workshop最大得著呢就係試到夾靚眼睫毛，女model又好好成日比我捉住問呢樣o個樣，RMK既mascara比較特別，係先搽一層睫毛液之後先上mascara base，再上返個mascara！個掃既頭唔係好大，唔會搽到周圍都係，最重要既係…我返到屋企先知…一D都化開或融左，仲有，我用普通既卸妝水都可以落得乾乾淨淨！ model 化完妝喇！真人比上鏡靚好多架！ 上到呢個化妝班真係好開心，撩起我好多年無搽眼影既衝動，上完堂仲返屋企試多D色！ 但一個好既妝我覺得出色既化妝品不可少，多謝U Beauty X RMK 比我上堂學野同埋有禮品返屋企，我要多多練習！
