明明係唸住買一對converse粗著同襯最後減價買對boot，但最後係買一對nike同一對完全唔響預計之內既melissa，仲有boot呢？睇中camper，但減價後要$2300，著上腳超舒服，掙紮中… 捱左成個新正月，足足一個月呀都唔可以買鞋，一解禁就好趕住仲係減價周圍睇鞋，最好買到boot啦。 行呀行呀，去到catalog，見到對nike好靚，我好少著波鞋啦，但呢對都好易襯，$899，買！ 再睇，見到melissa新款喎，仲要係牛津鞋款，有黃、紅、金、黑。我買最穩陣既黑啦，好靚呀，$400，買！ 2對鞋： 行sogo，睇下ans耳環，買2對有7折，買左2對，正價ans我一定唔買，七折左唔係平，但叫可接受啦，買！ 耳環： 行總統商場，已經春裝喇，有一件公仔著得好靚，唔貴喎，$2XX，買！ 行forever 21，第一層全部彩色衫，講真，我唔覺靚羅，似出入口衫，行上一層先覺得似返樣，有t-shirt想買，但又覺得唔需要咁早買啦，所以淨係買一件咁多，$1xx，買！ 左係總統，右係21！ 買咁多，好開心呢！ 仲有一對camper boot掙紮中，如果有人一齊買就好喇，買2對有85折，而家好苦惱！
