尋日同朋友上左深圳，行程：食雞煲（向西村）、東門、書城，就係咁簡單。 而家人民幣升值，都少左聽日話上去買咩平架喇，不過我上去除左行下、食下外，我仲有個目的，就係入人民幣去深圳既銀行 ，咁我先可以繼續淘寶麻！（免信用卡手續費同賺內地銀行高息） 行程第一站當然搵食先啦：食雞煲，雞煲紅左咁耐我都未食過，聽人話向西村係雞煲發源地，咁就黎呢度啦，呢間係最多人食既，由火車站撘左13蚊的士就到！ 呢個雞煲味好濃，預期中既味道，另外有個意外驚喜既餸係蔥油餅，外層香脆，好好食呀！ 跟住我地搭地鐵（只要一個站）到東門（老街站），呢度一向人多，自己要小心D。 因為朋友要趕下午走，所以留既時間唔多，咁我當然都無咩時間行好耐啦，買左： 衫一件咁多，70 RMB 髮夾之類，5-10RMB一個 另外最開心既係…買左個貓貓電話殼呢，之前 真假謎思----鬆弛熊iphone電話殼 都話買左個松弛態電話殼，用左一排，個矽膠殼會“絕”住衫袋，好快就無用到，但呢個貓係硬膠呢，同埋好少見人用，即買！ 另外仲買左個3D款，又平又靚！ 之後再搭一個地鐵站去書城，買左幾本書： 想學整羊毛毯，呢本岩晒。 另外，前一日響香港買左一對耳環，只要$49，係我之前想響ans買既同款，好開心呢！ 其他飾物分享：收納篇★多到滿瀉之飾物★ 淘寶大"首"購 呢篇係我響yahoo blog第100篇網誌！ 慶祝！！！
