大熱，大熱…去到邊個forum都講蝸牛，蝸牛面霜啦、蝸牛面膜、又話咩美麗日記出既蝸牛面膜都賣繼市，呢期最強一定係蝸牛成份既護膚品！ 知道蝸牛都係靠佢D滑溜溜既黏液去保護自己，所以蝸牛成份既面膜都會黏身D，我岩岩屋企人同朋友都去左韓國玩，所以都試到nature republic 同 Tony Moly呢2個牌子既面膜，咁就比較呢2個啦，呢2個牌子其實質感上都好大分別，大家可以比較下。 試到nature republic 既面膜應該要靠運氣！ 呢張面膜係我家姐帶比我既手信，見到寫住含20 mg snail filtrate，真材實料，抱歉當時無唸住呢張咁好用所以無影到張面膜紙既樣，佢紙質同neutrogena差唔多，少少厚，但精華素呢就係黏好多，核突D講就有少少似鼻涕，無咩香味，但奇跡係敷完塊面好潤好滑，同埋效果可以keep到第二日。 因為我家姐淨係比得一張我，呢張仲係佢行入鋪頭免費派既，所以我托朋友幫我買呢既，仲要大量買…但竟然…竟然…朋友返黎同我講話原來呢張淨係得免費派，無得賣架，無得賣？！但又免費派？！響香港應該無可能發生，我希望只係品牌試市場反應遲D有得賣啦， I am waiting ...... 因為無nature republic，咁朋友叫我試Tony Moly，佢話好用。另外佢睇雜志介紹暗瘡貼，見咁平就買，不過未用，希望唔好咁快生暗瘡要用！ 呢次試既係tony moly intense care snail hydro-gel mask, 大約$30 一塊，含10000 ppm snail filtrate, 睇包裝，感覺呢塊好矜貴，先有透明膠封住，之後仲有二層膠夾住，呢個面膜分上下2張，因為係hydro-gel，係好似薄片jelly狀咁，所以唔會有好多精華素滴晒出黎咁，說明書就話可以敷20-30 mins, 但呢塊係gel mask，所以敷耐左都唔會乾既，無味，好貼面，感覺好舒服！ 呢個面膜我得5塊乍，要慢慢嘆先！
