你地有無咩產品會不停回購，即使有新產品不停湧現，但最終都會有一枝皇牌傍身呢？ 每個人理想既皇牌都唔一樣，而我呢，如果呢一世只可以用一枝toner既話，呢枝一定係我首選，佢係kose 既雪肌精！ 已經唔記得左點解開始同雪肌精結緣，我只知而家都會定期留意下kose 既 promotion，定期入貨存貨，哈哈，而家屋企就有2枝全新500mL既貨喇！ 開心購物篇：sogo 小購入+ seibu 大優惠 呢枝toner主打美白，我幾年前試過去泰國晒燶左，塊面開頭係紅晒，跟住無幾耐就朱古力喇，唸起屋企有呢枝野，D人話可以用黎濕濕面膜紙敷面，我當時為左救面，真係好勤力日日濕敷，當時咁用法都幾心痛架，濕敷用既份量會多好多，但晒完塊面會比較熱，一敷呢個面膜就幫塊面降紅，連續用大約2星期就見到面同頸2截色羅：p 睇下，又用完一枝喇！ 到而家我仲用緊呢個toner，但就無再濕敷啦，不再就一定會抹埋頸，唔好令自己再2截色喇！ 搽呢個一定要用棉花，我係抹上面，t-zone位同頸會抹多幾下，香香地涼涼地，好舒服，有時抹完會好明顯響棉花見到灰黃色，所以呢枝係有去角質作用，我用開既係藍枝裝，而家有白枝裝（比較保濕），但我一向都用開藍色廢時轉，不過藍色冬天用真係乾左少少，所以而家冬天我係用2枝toner，用完呢枝再用保濕toner。 成日都會見棉花啡啡黃黃： 如果真係怕乾，咁選白色應該好D喇！ 因為成日用，我每次都睇下有無特別板裝先買（成500mL) ，抵好多麻！ 唔知呢個產品會唔會陪我多10年呢！？
