呢排成日屋企煮...真係好掛住茶餐廳嘅星洲米，但出面食呢個米粉會用咖哩醬嚟炒，但好多時炒唔勻，食嘅時候就會成口醬...又咸又辣，所以自己炒...我會用咖哩粉及黃薑粉，咁炒起上嚟就唔會一pat pat...仲一d都唔會覺得油膩，想食茶記星米?咁就快啲試試啦~^^~ 星洲炒米材料米粉 兩塊 雞蛋 四隻 蝦仁 一碗 叉燒 十片銀芽 四兩 紅椒 半個 洋蔥 一個 蔥段 少許調味料黃薑粉半茶匙 鹽半茶匙 麻油 一湯匙咖哩粉一茶匙 糖半茶匙 豉油一湯匙 做法1. 先將米粉浸軟瀝水後，稍為剪斷。2. 將洋蔥及叉燒切成粗條，備用。3. 蝦仁用酒及胡椒粉稍醃一會。4. 燒熱油鍋，將雞蛋炒散備用。5. 再燒熱油鍋，將蝦仁加入。6. 將銀芽加入，炒至半熟盛起備用。7. 燒熱油鍋，將洋蔥炒香。8. 隨後將叉燒加入，炒勻。9. 將蔥白及紅椒絲加入，炒勻。10. 將米粉加入炒至鬆散。11. 將銀芽及蝦仁加入，炒勻。12. 加入少量水份，炒至米粉軟身。13. 將咖喱粉、黃薑粉及調味料加入。14. 用夾子及鑊鏟，將米粉炒至鬆散。15. 最後將蔥段及雞蛋碎加入炒勻即可。溫馨提示• 可按個人口味加減咖哩粉份量。• 黃薑粉可令米粉顏色更鮮豔。• 加入少量水份來炒，可令米粉更易軟身。
