日本人重視養生，尤其年紀大要少鹹減鹽，好多日本長者都會轉用鹽麴煮餸，鹽麴更被喻為百搭調味料，亦係天然養生調味料 😍！ 咁究竟鹽麴係咩嚟呢？鹽麴（又稱鹽糀）係由米麴、鹽同水發酵而成，喺日本流傳咗幾百年，同豉油嘅發酵過程類似，但係點解佢會吸引咁多日本人食呢🤔？ 其實係因為鹽麴嘅鹹度較低，並含有分解蛋白質嘅酵素，一係軟化纖維，二可以提升食物嘅甘醇風味，唔駛落太多糖就可以發揮出天然嘅鮮甜味😋 。鹽麴含大量活菌酵素，同消除疲勞嘅維他命B、胺基酸，仲有大量乳酸可以促進消化、調整腸道健康、防止便秘等。 所以喺日本家庭鹽麴係必備嘅調味料，佢哋會用鹽麴醃漬唔同食材，由蔬菜到魚肉類，都可以用鹽麴醃漬後再煮，等肉質軟嫩時亦帶出食物嘅鮮甜風味同層次。另外，喺做麵包、蛋糕嘅時候，以鹽麴代替鹽或額外加點鹽麴，可以幫助酵母發酵得更好，同時能夠烤焗出外酥內軟又充滿香氣嘅麵包。不過，鹽麴醃漬過嘅肉類、魚類，煮嘅時候會特別容易燶，所以記著先要將鹽麴擦掉，同埋注意火候 😉。 總括嚟講，鹽麴用途多多，係取代廚房鹽嘅天然調味料！今日就等客席小編 戀上味覺 分享吓點樣喺屋企自製鹽麴，同埋利用鹽麴煮出充滿鮮味嘅柚子雞翼！自家製鹽麴材料鹽 60g 米麴 200g 水 260ml乳酪機版做法1先將鹽及水拌勻。2將米麴放入樽內，再加入水中。3用湯匙拌勻至充份混合。4蓋上蓋子後放入乳酪機。5以溫度60度發酵8小時即可。普通版做法1. 先將鹽及水拌勻。2. 將米麴放入玻璃瓶內，逐少加入水中。3. 用湯匙拌勻至充份混合。4. 加蓋子後放入雪櫃冷藏。5. 每天取出用潔淨湯匙攪拌一下。6. 放在雪櫃內約1~2星期便完成。 鹽麴柚子雞翼材料 雞翼 10隻 檸檬絲 少許醃料鹽麴 1.5湯匙 紹興酒 1湯匙 麻油 1茶匙醬汁 柚子蜜 兩湯匙 水份 50ml做法 1. 先將雞翼洗淨抹乾水。2. 用醃料醃雞翼最少四小時或過夜。 3. 用廚紙抹去多餘醃料。4. 燒熱油鍋，放入雞翼每面煎一分鐘。 5. 加入少許水份及醬汁。6. 中火，加蓋烹煮三分鐘。7. 最後煮至收汁灑上芝麻及檸檬絲即可。
