平時去茶餐廳…都鍾意飲「紅湯」- 羅宋湯，因為佢味道酸酸辣辣🌶…夠哂惹味😋 尋晚就自家製煲咗一大煲羅宋湯做晚餐，今朝仲用佢嚟整個「紅湯」通粉做早餐😉…真係巧味到不得了👍👍👍有冇人都鍾意飲紅湯呢?😙😙😙材料番茄 四個 西芹三條 椰菜 半個甘筍 兩條 紫洋蔥 一個 牛腩 1磅茄膏 三湯匙 香葉 四片 檸檬 半個調味料鹽 適量 糖 一茶匙 Tapasco辣椒汁 兩湯匙 做法1. 先將牛腩切小塊，跑活水備用。 2. 將其餘材料切成塊。 3. 燒熱油鍋加入少量牛油，將牛腩炒一會。 4. 先將洋蔥及甘筍加入，炒勻。5. 再將餘下材料加入，炒勻。 6. 將茄膏加入炒至材料變軟。7. 加入適量水份蓋過所有材料，煮滾後轉中火煲煮兩小時。 8. 最後將半個檸檬汁及調味料加入，拌勻即可。
