情人節就到喇~今年米子預備左6款簡單嘅朱古力1） 綠茶生朱古力 2） 朱古力脆米 3） 曲奇朱古力 4） 朱古力士多啤梨 5）Baileys酒心朱古力 6）核桃朱古力布朗尼 市面售嘅朱古力材料可分為2類︰免調溫朱古力 同 需調溫朱古力免調溫朱古力以植物油代替可可油，味道較調溫巧克力遜色，但勝在操作方便，只需要溶化，置於室溫，已經可以凝固脫模，通常用黎做裝飾需調溫朱古力味道較佳，適合製作各種甜品，如蛋糕，曲奇，松露朱古力但如果要用調溫朱古力製作朱古力糖果，就需要經過調溫程序經調溫後，朱古力於室溫下亦可以凝固，而且帶有光澤同唔容易溶化 今次製作嘅朱古力有D係可以用免調溫同需調溫嘅朱古力都得，例如朱古力士多啤梨對新手黎講，朱古力嘅調溫過程可能比較複雜，用免調溫朱古力黎製作會比較簡單安全，但係我一定要講，免調溫朱古力係一定一定一定冇調溫朱古力咁好食！ 免調溫朱古力被稱爲假力！好似新年食個D朱古力金幣咁嘅味！（其實我頭先話冇咁好食已經講得好客氣）味道外觀vs製作輕鬆，就睇大家點抉擇喇~ 材料 （每款約15件）1）綠茶生朱古力- 淡忌廉 40克 - 宇治綠茶粉 5克- 白朱古力 110克 - 防潮綠茶粉 適量 2）朱古力脆米 - 朱古力（可使用不同口味的朱古力） 30克 - 脆脆米 25克 3）曲奇朱古力 - 朱古力(免調溫/需調溫的都可以, 亦可使用不同口味的朱古力) 125g - Oreo碎 適量 4）朱古力士多啤梨 朱古力（免調溫/需調溫的都可以，亦可以選擇不同口味的朱古力）100g士多啤梨 15粒 5）Baileys酒心朱古力- 朱古力殼（口味隨個人喜好）15粒- 淡忌廉 30克- 牛奶 20克- 黑朱古力粒 55克- 無鹽牛油（軟） 15克- Baileys 8克- 免調溫朱古力（口味隨個人喜好） 適量- 防潮食用粉（可可粉/糖霜/綠茶粉/士多啤梨粉）適量 6）核桃朱古力布朗尼 (20cmX20cm模具)- 黑朱古力（米子選用55%）240克- 無鹽牛油 120克- 雞蛋(室溫) 3隻- 砂糖 110克（可隨個人口味調整）- 鹽 1克- 低筋麵粉 130克- 無糖可可粉 30克- 泡打粉 2克- Rum酒40克- 核桃200 做法請按參考YouTube影片：https://www.youtube.com/watch?v=v2bsDnJj0rk 預祝大家情人節快樂！！ 如果鍾意嘅話記得訂閲我嘅YouTube Channel呀❤ Cooking with Mochi 米子廚房
