已經係三次到訪EASY JOE🫢每次食唔同既野都俾到我驚喜雖然每次都要等位 但總覺得係值得等待既一間食店😆 難得黎到 每次都會盡量去揀一啲未係度食過既野🤓畢竟作為一間出色既食店 唔應該只係得一兩款菜式好食😌 放棄咗最愛既辣肉腸pizza🍕放膽去食其他野💪🏼 ➷🪐 三圈拼盤▸芝士圈▸洋蔥圈▸魷魚圈有啲野可以放棄 有啲野就必須keep住 例如⋯⋯炸物🤣今次既三圈拼盤都係第一次食 正路唔會整得差😌 炸物最緊要夠香脆可口 咁就炸乜都好食😆而呢個只係圈圈類⭕️既拼盤都較有特色 少見到咁既拼法😋§🪐 自家製芥末洋蔥醬炸雞窩夫又係一個令人回味既炸雞窩夫🫢之前食過一間係好正既 佢係第二間我會掛住既🤤看似簡單 但當中既細節位值得留意自家製醬汁既芥末味好突出👍🏼完全係炸雞既最佳拍擋🍗炸雞夠晒脆口嫩滑😋而且仲係大大舊 一切落去索索聲🤣 窩夫內裡既質地做到好軟腍 我會用軟綿綿去形容👍🏼最後配埋燶邊流心蛋 蜜糖 同花生碎🥜成個菜式都昇華咗😍 §🪐 慢煮加拿大豬鞍架配酸梅蛋黃醬如果你同我一樣見到個醬汁會有啲懷疑既時候咁我可以話你知 大可以放心🤣係好食既 係襯既😌 酸梅蛋黃醬 完全唔會諗到呢兩者可以夾埋做一個醬汁👍🏼帶有微微梅香既醬汁同豬鞍好夾🤤同時可以減低油膩感 慢煮過既豬鞍肉質腍得黎但會帶出一份咬口感成功鎖得住肉汁 令到佢一啲都唔嚡身👍🏼 加上醬汁同肉汁都流到配菜裡 個薯蓉都特別惹味😋§🪐 二世祖特濃朱古力🧸指定要飲既特濃朱古力 每次都唔可能錯過🤣佢既特濃朱古力可以話係佢地最signature既飲品🍫 如果你係第一次黎 又係朱古力愛好者 咁就一定要試吓😋➷食過3次 我相信係會有第4次🫢 水準發揮平穩 都仲可以keep住係一個高水位😆期待佢會有更多新菜式 咁我又有藉口黎喇🍴 📌二世祖📍大角咀福全街18號地舖➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟
