平時比較少同🧸去食中菜 都係偏向食西式日式既野多🤔聖誕節兩個都要閉關 出關之後都想搞啲新意思 有啲新鮮感🫢估唔到🧸又覺得ok 唔通真係好返食乜都係好既😆 今次揀呢間中菜館係位置假日酒店入面 仲要揀咗間新開既🎊抱住一個冒險既精神 因為新到上網都未見到有餐牌🧐不過有時我地真係鍾意呢種感覺 會份外有種期待🤪 食店望落同一般既中菜館都差不多 環境闊落 乾淨企理👍🏼始終都仲係好新既階段 未算太多人知道 所以人流唔會太多➷🪐 雀籠點心薈▸ 翡翠蝦餃▸ 鮑魚燒賣皇▸ 懷舊芝麻卷▸ 東瀛鰻魚酥▸ 和牛天鵝酥▸ 水晶菜苗餃連中菜館都要跟上時代既進步 用咗下午茶常見既鳥籠設計🤩去呈現呢一個點心拼盤組合 可以話係有得睇又有得食😋 拼盤有多款我地熟悉既點心 經食店重新升級去演繹返出黎😍 好欣賞佢當中有芝麻卷既出現😲近呢幾年都比較少見到濃香既芝麻味道散發係口中😶🌫️帶有煙韌感同微微既甜香 蝦餃燒賣亦都可以話係必須 粒粒飽滿非常滋味🤤 §🪐 胡椒雞湯灌湯餃以前細個成日唔敢叫 因為係最貴既點心🫣而家見到個濃湯灌湯餃 點都要俾自己食一次😂 胡椒湯好暖胃🥰雞湯煲得好出味 連舊雞肉都入晒味🐓灌湯餃令我搵返細個時候既感覺 手掌咁大隻 餡料爆滿😍§🪐 菊花上素石榴球一個簡單既上素球 除咗手工精緻之外 味道亦都有驚喜😋先要讚佢伴碟既南瓜汁🎃清甜得黎會令人想飲晒佢 再者就係石榴球入面既素菜有好香濃既菇味🍄豐富內餡提升口感👍🏼 §🪐 蘿蔔春菜煲清清地叫咗個上湯蔬菜 呢啲時季食蘿蔔就最鮮甜🤤 青菜吸盡晒蘿蔔湯既香甜 加上冬菇咸肉 特別惹味😋§🪐 豬手撈粗炆到入晒味軟腍腍既豬手 一夾都已經離骨 夠晒火喉😆 配上鹼水味強既粗麵 我自己就比較鍾意個種鹼水味👍🏼汁底份量夠多 每條粗麵都可以沾到湯汁 襯熱食會更好味😋 §🪐 萬鎔班蘭糕其實都已經飽到上咗心口 但🧸睇見呢個話一定要食🤣所有甜野都係有第2個胃咁話🫢我自己就好怕食年糕 糕類從來只會食蘿蔔糕🫣 見🧸食得好滋味 一舊接一舊咁食 我又膽粗粗試吓🤔的確 佢無咗個種平時我好憎食啡色年糕個陣味😂尤其經過煎香後 班蘭既味道更加突出😲甜度屬正常 加上會有個種煙煙韌韌既感覺 難怪會食上癮🤪➷好幸運地今次揀到一間咁高質既私房菜中菜館🥢諗諗吓 下次同阿媽黎食都唔錯 因為好近地鐵站🚇咁媽媽一定唔驚唔識路🤪又可以食到好野 有得諗!📌萬鎔少館📍銅鑼灣霎東街33號智選假日酒店2樓➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟