繼續探索工廈既隱世美食🙆🏼♀️🙆🏼♂️今日黎食西餐🍴工廈位於觀塘同牛頭角交界離開咗比較多人流聚集既區域所以入夜去到其實都係比較靜 街上既人唔多🤫上到餐廳 眼看環境十分闊落 而且擺法係井然有序👍🏼俾到人既感覺係好舒服😌枱與枱之間亦有足夠空間 設計上簡單 遠處既牆花俾我一種好懷舊既感覺😍再加上近牆角位置擺放既舊式水壺🏺更增添風味 ➷晚餐有2人餐同4人餐選擇 人多想食好啲既話仲可以升級🤤 唔想局限既話 鍾意散嗌亦都可以有好多既選擇🤪 ➷❐ 𝘿𝙞𝙣𝙣𝙚𝙧 𝙎𝙚𝙩 𝙁𝙤𝙧 𝟮整個dinner set入面會有齊沙律餐湯主菜甜品同飲品🥗所以兩個人食一定會飽晒 呢個位可以放心🤰🏼🫃🏼▸ 凱撒沙律▸ 西蘭花濃湯頭盤既沙律同餐湯都係正路野 雖然係跟餐但都唔會有hea既成份😌沙律仲會有埋脆脆麵包粒😋 特別都讚吓佢附送既麵包都幾好食🥖好香香草同蕃茄味🍅 而餐湯我起初聽到係西蘭花有少少恐懼 我好鍾意食西蘭花🥦但係又好怕如果用黎製湯會有草青味 最後無令我失望之餘 仲覺得佢當中既甜味好好飲👍🏼▸ 意大利辣肉腸Pizza餅底好薄 厚身返少少會比較好🤏🏼佢薄身但係就好夠脆見到佢都焗到金黃色 圍住圓邊都係脆卜卜🤩芝士份量夠晒多🧀又唔會覺得好腬 都已經唔需要太多調味 單靠辣肉腸同佢釋放既油份都已經足夠🍕面頭既火箭菜係一個細心位 可以令到味道唔會太單調🤤▸ 炭燒美國安格斯西冷牛扒~10oz估唔到set dinner都會有咁高質素既牛扒🥩牛扒厚身 望落都足10oz 分分鐘有多都唔出奇😲好鍾意望到扒上既燒坑紋 未必間間都會有🙈 5成熟 切開見到內裡粉嫩色既肉色🤩口水都流埋肉質軟腍 有一條小筋 係可以接受既 影響唔大😌 肉汁鎖得住 牛扒唔會乾身嚡熠熠 牛味亦都好濃厚🤤▸ 意大利雪糕泡芙食埋個甜品就完滿喇🍨 冰凍既雪糕藏係泡芙裡面 雖後外層再用雪糕包住 唔算花巧 不過可以食到幾重口感同味道又的確係吸引🥰➷佢既性價比都算高 食物質素上都有水準👍🏼尤其燒牛扒係真心做得唔錯 值得推薦💯📌Non Kitchen📍觀塘鴻圖道12精棉工業大廈1樓➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟
