以前係旺角店都有幫襯過 新店黎到鑽石山人流依然無減🫢環境大咗好多亦都闊落咗 餐廳充滿住日系清新風格😺 設計同以前都好唔同 係一番新景象😂晚市佢都會有dinner set 野食都幾岩 仲會有餐湯 咁就可以一次過包辦晒唔洗煩🤪 ➷❐ 脆皮烤鴨配焗薯餅香橙黑醋醬個烤鴨要讚既 因為個皮真係烤得好脆身👍🏼 鴨肉都幾厚 無骨既😍唔會有好難聞個陣鴨羶味🤤雖然佢厚實 肉質有咬口又唔韌 仲唔會乾身 有驚喜既主菜🫢 黑醋醬同鴨肉都幾襯 不過本身味道都夠個人認為唔沾醬既問題都不大😌❐ 奧斯炸魚薯條配塔塔醬呢個係跟餐加錢叫既 話就話小食 但一啲都唔小😲一個人食晒的話基本上就唔會再食得落任何野😂成兜炸魚薯條上到枱真係有少少嚇親 魚塊有三大塊 味道就比較淡 所以要配返個醬食薯條就炸到脆卜卜🤤條條過癮🍟 ➷❐ 朱古力麻糬窩夫其實已經好飽 但都係忍唔住叫甜品🥲係刨冰🍧同窩夫兩者二揀一最後揀咗再飽啲既窩夫🧇最衰都係隔離枱既引誘🤣 揀咗朱古力 味道上會比較甜🤏🏼窩夫幾厚身同微脆 最吸引係入面既大量麻糬🤩麻糬份量都偏多 每一啖都食到煙韌口感👍🏼 配埋佢凍冰冰既雪糕真係prefect😆➷食物質素都唔錯 定價都唔會太高環境又坐得舒服 都係一個唔錯既餐廳選擇😉 📌Ocio オシオ📍鑽石山荷里活廣場2樓283-284號舖➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟
