一間我on list咗好耐既食店 次次都因為覺得太遠而卻步🥺今次大鄉里出城 第一時間又諗起佢 即刻去🤪食店位於鰂魚涌既工廈 唔算好大間不過位置都編排得幾好 唔會太過逼夾👍🏼我比較鍾意佢大門口既設計 食肆比較少見呢個樣整間店舖都充滿住露台風 只不過佢係室內😂 食物選擇比我想像中多 除咗pizza仲有意粉小食等等😋 佢既食物大人細路都岩 如果一大班人黎就可以試多啲😌 ➷❐ 特濃黑松露野菌忌廉湯野菌打到好蓉 成個湯都好creamy 菇味非常濃郁🍄黑松露味唔算太重 以一個調味既角色去做配搭🫢 ➷❐ 珍寶蟹脆蟹餅伴粟米莎莎蟹餅都算幾大舊 咬落口係厚實 真材實料🦀內裡既蟹肉都幾多 口感係唔錯外層炸到通透脆卜卜 調味上唔重手🤤 加埋佢面頭既粟米莎莎屬於一個幾清新既小食🤪唔會有飽飽滯滯既感覺👍🏼 ➷❐ 蜜糖燒雞翼雞翼烤到金黃 上枱時已經香氣撲鼻😶🌫️Size都偏向大隻 蜜糖略為少咗啲🍯味道比較淡口 ➷❐ 西班牙辣肉腸炒蝦第一次食呢個煮法 唔試過都唔知原來係咁惹味🤤本身都已經好鍾意食辣肉腸 用黎炒 會將佢既油份爆咗出黎 蝦肉比較爽口🦐沾有辣肉腸滲透出黎既油香 無得頂👍🏼仲有少量蔬菜伴碟 可以減低油膩感🥕 ➷❐ 燒烤風味PizzaPizza係12寸 兩個人食完真係嗌救命🤣好在無衝動叫意粉 如果唔係我真係企係度🫃🏼🤰🏼入面既配料絕對唔係少 pizza應有既野佢都有齊🍕 最出色既就係佢甜甜地既BBQ醬 有啲似平時食烤豬肋骨個隻Pizza係薄底脆邊 成塊食都好脆身 烤既時間掌握得好好👍🏼➷佢可以話係一間隱世既食店 工廈大廈既美食🤩係附近返工既人好有福氣🥹佢既pizza係好值得食 個人認為個餅底係烤得好出色🤤份量大之餘 亦都有質素 果然係值得山長水遠黎食😋📌AGE Cuisine Express📍鰂魚涌英皇道1065號東達中心11樓1104B室➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟
