呢間貓貓cafe可以話係第二次幫襯😺 對上一次係去觀塘個間 仲記得環境真係好大 好多貓仔四圍走 好互動😹仲好嗲人嫁 今次黎到旺角既分店 環境無觀塘咁闊落 不過貓仔數目都好多 起碼有40隻😲有幾隻爆光率好高😹 去到除咗可以品嘗美食之外 仲可以一解貓癮🤪 大人細路都岩去既場合 所以當晚去到都好爆場🫣 一枱接一枱 但大家走既時候都好似依依不捨咁😂 ➷ ❐ 二人套餐 呢個2人餐真係好抵食 即叫即整 係等既時候就可以同貓貓玩 ▸ 是日餐湯 ▸ 是日沙律 南瓜湯既味道好濃郁 值得一讚👍🏼 飲到有南瓜絲 質地好蓉 南瓜亦都好甜😌 ▸ 滋味2人小食拼盤 小食拼盤以炸物為主 有餃子 雞塊同薯角🥔 熱辣辣又脆卜卜😋雖然係2人 但係份量都真係幾多 炸物交到功課 唔係啲咩花巧野食 但係係好食既😌 ▸ 溫泉蛋煙肉野菌黃金芝士卡邦尼扁意粉 一間以貓貓為主既cafe都可以做到西餐廳既水準👍🏼 意粉既軟硬度適中 醬汁夠竭 一啲都唔乾身 每條意粉都掛到汁 撈起既時候香味係飄出黎😶🌫️ 配上靈魂般既溫泉蛋 味道濃厚 咸度恰到好處 ▸ 意式辣肉腸拉絲水牛芝士手工薄餅 薄餅底尚算脆口 質感似麵包底唔係薄脆餅個隻🍕 不過餡料就爆晒澎 鋪滿整個pizza面😆 芝士仲做到拉絲效果😍烤焦咗既芝士份外好食🤤 ➷ ❐ 冰極薄荷檸檬茶 ❐ 抹茶拿鐵 個杯既設計做得好細心 方便飲用之餘 同時間可以俾你坐係度玩貓貓既時候防止佢地飲到🥰 檸檬茶薄荷味唔夠重 如果碎咗啲薄荷葉應該會更出味🌱 抹茶拿鐵既茶底味道都幾濃郁🍵茶奶比例都做得唔錯👍🏼 ➷ 總括黎講旺角店既食物都有質素 而且性價比高 野食份量大之餘價錢亦都好貼地🤪 最緊要係有咁多貓貓但完全無異味 環境衛生做得好好👍🏼 愛貓既你 不妨可以上去探吓佢地順便嘆下美食😋 📌URBAN Cafe 📍旺角彌敦道566-568A號僑建大廈2樓 ➷ 🧸🌞C.ookngbear推介指數 👉🏼👉🏼8️⃣🌟
