呢間位於尖沙咀出晒名既扒房🥩我終於有機會食到🤤正所謂聞名不如見面 睇咁多不如食咗先🍴 一出lift就已經見到一個少少既reception👨🏼💻雖然見到個個都好忙碌 但好快就有人招呼你💁🏼♂️ 店舖係大既 枱與枱之間唔算好闊落 人流係好多😲裝潢上係令人舒服 都係十分正路既西餐廳格局😌 -🔸巴馬火腿配溫泉蛋黑松露蘆筍沙律呢個咁樣既配搭都係第一次食 係一個凍盤黎🥗頭盤黎講都幾清新開胃👍🏼Parma Ham既咸味配上佢剛好 唔會太過咸 仲大大塊😋拮爆咗溫泉蛋既蛋汁混合埋黑松露係人間美食🤤當蘆筍沾上醬汁再夾埋塊Parma Ham一齊食我真係好想再叫多碟 連本身唔食蘆筍既🧸都讚👍🏼 -🔸黑松露薯條係！又係薯條🍟萬劫不復😂薯條比較粗身 炸得都幾脆口 份量又唔少😆黑松露碎灑滿薯條上 香口之選😋未影相都忍唔住食咗幾條 真係好吸引🤭 -🔸慢煮三文魚配香草乳酪汁伴小麥米唔知點解 覺得呢個菜式好健康😂因為面頭鋪滿咗好多火箭菜 仲有啲蟹籽點綴吓三文魚煮得好滑 一啲都無乾身既感覺👍🏼乳酪汁味道唔算十分突出 但用黎配小麥米又唔錯小麥米吸咗啲乳酪汁又幾好食 唔會搶味😌 -🔸燒美國安格斯西冷扒配黑松露薯蓉咁出名唔係浪得虛名嫁 黎到真係唔可以唔食扒🥩先講塊扒 牛味十足 而且唔會過肥 肉脂好平均👍🏼煎起上黎真係齋睇都覺得靚😍最鐘意見到一條條坑紋😂 叫咗5成熟 煎得岩岩好 粉紅色既肉色🤩切起上黎仲有好多肉汁 好軟腍好出色👍🏼薯蓉比較淡口味啲 不過因為係配肉 所以唔洗太重味都得😌 -🔸𝙻𝚢𝚌𝚑𝚎𝚎 𝚃𝚎𝚊🔸𝙼𝚘𝚓𝚒𝚝𝚘店員都細心 有提醒到荔枝茶凍飲會好啲不過無辦法喇 有人唔飲得凍野 唯有飲熱嚕🥺味道無咩特別既 係甜咗啲🤏🏼 而Mojito就正常發揮 調教得幾好👍🏼 -真係要黎呢度試吓啲扒 何其出色😋無論係情侶朋友都幾適合係呢度食飯當晚仲見到有好幾枱係度慶生🥳準備要食生日飯既可以諗諗佢👍🏼 📌The Grill Room📍尖沙咀堪富利士道6-6A號爵寓2樓-🧸🌞C.ookngbear推介指數 👉🏼👉🏼9️⃣🌟
