今日黎到呢間隱世料理店😶🌫️之所以話佢係隱世 因為佢真係好低調 低調到就咁行過都唔會發現佢個隻😲 店舖細少 環境燈光暗沉 帶有種神秘感🤫牆上掛有日式既裝潢🏮亦見有好多店主既心頭好 貌似居酒屋 但佢食既都係無國界料理🌏比較fusion少少 呢度日式西式串燒海鮮等等既野都有得食😋仲有set dinner提供 所以無論你係一個人定係一 班人呢度都可以好高質咁幫到你醫飽你😮💨 - 🔸日式生炸bb乳鴿 呢個係必點既✅可以話係呢度既signature‼️炸到攞晒獎既乳鴿🏆黎到唔試都對唔住自己🤭 溫馨提示👉🏼要襯住熱辣辣食 咁樣先係最正🤤細心既店員會提供刀俾你切 我就保留傳統 用手食✌🏼一撕開乳鴿 啲肉汁係咁滴出黎 接都接唔住呀💦肉質係好嫩滑 好juicy 仲要配合埋個塊脆皮 炸個個時間要拿捏得好好先做到呢個效果😌咸香既乳鴿再用少少七味粉灑係面 無懈可擊👍🏼 - 🔸香草蜜糖雞翼 跟住呢個就係比較西式啲既小食 雞翼大大隻 好入味 香草同蜜糖既配搭好夾🍯仲食到一陣微微既炭燒香 呢個先係精髓😋比起普通既蜜糖雞翼 多一份感覺😌 -🔸自家制雞肉捧 呢個我覺得又係必試既 從未食過咁好食‼️粒粒軟骨碎混合雞肉 造成一碌肥嘟嘟既雞肉捧🍗燒香過之後 免治雞肉依然保持濕潤唔乾身 食落口非常之有口感 每一口都咬到脆卜卜🤓但記得一定要淋上蛋汁食 係一個靈魂🥚配上蛋汁既雞肉捧味道更有層次更加突出👍🏼 - 🔸燒大海虎蝦 扇貝 虎蝦用上鹽燒 大大隻 鮮味十足🦐有少少痴殼 但無影響味道 肉質彈牙 保留到蝦既味道 輕輕調味都足夠😋 扇貝用上蒜蓉燒 香味撲鼻 呢個配搭一定係絕配🤣師傅仲好細心起埋肉 介開一小口 所以令到整個扇貝肉都可以吸盡精華😍扇貝仲好多汁 用上木魚碎鋪面 味道一流🤤- 🔸鹿兒島A5和牛膏飯 看似會好腬咁 但其實又真係好有驚喜🤩用既係和牛膏 唔會有牛肉係入面 但會食到陣陣牛香😍有時食燒肉/煎扒 大家有用牛脂肪起鍋的話就會知 佢既煮法係似risotto咁 加埋個忌廉汁 好creamy🤤有翠玉瓜同洋蔥粒呢啲比較清新啲既配料🥒但係味道同口感就一啲都唔單調 幾出色👍🏼 - 以料理黎講 呢度既師傅做得好有心機😌無論係控制火喉定係味道都好出眾 更加有好多撚手既菜式值得去品嚐🤤📌留民料理📍屯門青山公路351號彩華花園地下1號舖-🧸🌞C.ookngbear推介指數 👉🏼👉🏼9️⃣🌟
