行到黎山林道 望到一幅大玻璃入面既霓虹燈牌💡寫住"全院滿座" 好有本土特色 非常搶眼🤩 店舖環境唔算大 採用冷調既燈光效果 好有feel 店內牆身上都有唔同既霓虹燈牌同擺設🤟🏽而其中兩隻狗仔既像真度真係100% 差啲嚇親😂 - 菜式都幾有創意 連個名都係精心設計🤭選擇未去到好多 但要有既野佢都齊 然後🧸雙眼未離開過小食餐牌 我就知道...... 今晚應該都係食小食會食飽嫁喇🤣- 🔸炸薯條 繼續無限輪迴炸薯條 百吃不厭🥔🤭今次食呢個唔洗配特別醬汁都好夠味👍🏼唔知點解可以脆到咁 唔係一般既脆 係有卜卜聲嫁🙀份量都幾多嫁 始終都係薯 所以都係會飽😆 - 🔸炸軟殼蟹兩隻 一人一隻原隻軟殼蟹就咁食都真係比較少😆🦀但又幾過癮 不過可能會有啲腬😮💨咬開一半 發現佢都幾多膏嫁喎😲平時都好少會留意到 同埋佢都幾多肉汁 選材方面都唔錯😌 - 🔸特色一口手卷4件 - 帶子 呢款手卷可以揀帶子或者軟腳蟹🦀咁因為小食食咗軟腳蟹 所以手卷就揀帶子🥳一口既飯團 配上沙律菜同秘製醬汁 暈喇我😍尤其個醬汁可以帶起咗帶子既味道 同舊飯融為一體🤤係𡁻既過程中仲散發住一陣沙律醬既味道 好特別😋 - 🔸MK鰻魚蛋包白飯 蛋整得好滑🍳完美地包住咗啲白飯👍🏼鰻魚都幾大舊 連木魚碎鋪上面係好吸睛🤩味道發揮都好正常 醬汁偏甜 份量適中 仲有沙律菜同兩塊好靚既玉子燒伴碟😋 - 🔸忘了愛 🔸真 • 士多啤梨奶昔 呢杯叫忘了愛既野 其實即係檸檬特飲🍋🍹微微既酸味 加上梳打做底 都幾清新 士多啤梨奶昔係真係好士多啤梨🍓即係佢唔會係飲到個隻好假既藥水味😌仲見到有好多士多啤梨籽係度 真材實料👍🏼 - 一間好盞鬼既餐廳 令到你未食先笑😆食物質素唔失望 又有特色 可以一試🥳 📌JUST'er Bar & Restaurant📍尖沙咀山林道13號地下A1-A2號舖-🧸🌞C.ookingbear推介指數 👉🏼👉🏼8️⃣🌟
