呢一間位於地庫比較隱蔽既食店如果唔係特別去望 可能都唔會留意到👀 老闆應該係一個幾瘋狂既阿仙奴球迷⚽️除咗將舖頭名改做更衣室之外👕更將食店既設計打造成球員更衣室咁🤩 真係會有一刻以為自己身處係酋長球場😂牆上掛有阿仙奴歷代既球衣 有啲仲有簽名✍🏼 -食店模式係好似快餐店咁運作 自己搵位出去買野食 食完自己收好👍🏼 食物水準就拍得住啲西餐廳 唔係快餐店既味道🤭每日仲會有唔同餐湯俾大家無限添飲🍲 -🔸鹹蛋黃雞翼蛋黃鋪滿炸到香脆既雞翼🐓每一口都食到好香濃既蛋黃好似已經忘記咗膽固醇係咩一回事🤭 -🔸白松露忌廉炒野菌配自家製蒜蓉包呢個菜式配搭係意粉或者意大利飯最為常見但原來用黎沾蒜蓉包都一樣出色👍🏼蒜蓉包烘到兩面金黃 麵包內軟外脆🥖沾上松露味極濃厚既醬汁 係一流既配搭🤤野菌吸晒松露汁既味道 就咁食都唔覺得咸😋 -🔸日式咖喱吉列豬扒飯吉列豬扒唔算好厚肉 但就炸得好靚😍絕對可以媲美其他日式餐廳👍🏼豬扒亦夠腍身 咖喱味亦掌握得好好🍛所以呢樣食物都唔會點出錯😂 -🔸紐西蘭草飼肉眼扒估唔到既係係呢度都可以食到鐵板🤩好懷念淋汁上去時既個種炸炸聲😂 唔知係咪我玩得太耐 塊肉眼扒熟咗少少🤏🏼但係肉質依然好嫩好腍 牛味十足🥩仲有非常多既配菜🥔🍆🥒完全唔會腬👍🏼呢個可以話係童年懷舊抵食之選😋 -多啲去留意呢啲食店 其實會有意外驚喜同店員講開 老闆原來仲有其他分店🤭呢度都整得咁好 其他分店應該都唔會失手🌞 📌Lockeroom Express📍佐敦彌敦道216-228號恒豐中心低層地下16號舖-🧸🌞C.ookngbear推介指數 👉🏼👉🏼8️⃣🌟
