曾經好多次都想入去試吓呢間食店 可惜每次過到黎都係排晒長龍🥺直至到今次去搵食經過 見到冇人排 二話不說就走入去喇 出奇地 入面都唔多人😲究竟係時間上比較夜定係有其他原因?! - 食店屬於係小店💛簡簡單單既舖面 樸素既感覺 職員好有禮貌 好快就招呼咗我地🙇🏼♀️🙇🏼♂️呢種食店俾到我一種好有係屋企食飯既感覺🏡 除左餐牌上既野 店員仲介紹咗當日既餐湯同限量甜品 🍲🧇我地最後揀咗食佢既甜品 等陣再詳細講吓😋- 🔸忌廉汁鳳尾蝦菠菜配手製闊麵 ☻︎: 8/10 先講個汁 味道正常 唔會好稀都夠creamy🤤蝦唔算十分爽口🦐帶有少少黑椒味 唔會淡某某手製闊麵要講一講 個人感覺好好食🤤話明手製 當然同一般食到既都會好唔同 係好有口感每一條都係好彈牙好有咬口 但唔係煮唔熟個隻👍🏼煙韌得黎亦都微微帶到個蛋香🥚真係冇得頂💯就算冇配料 只要配上任何醬汁都會係好好食😋 - 🔸菠菜葉, 車打芝士及馬蘇里拉芝士手作薄餅 ☻︎: 8/10 新鮮熱辣焗起既pizza 一上枱香味已經撲埋黎🍕長方形既手作pizza 形狀唔會十分工整 薄餅底好軟熟 並唔係好脆身個隻 🫓但又出奇地好食😆芝士味夠晒濃郁就唔再講喇🧀成個薄餅啲配料都好簡單但足以令到整個薄餅都好好食 襯熱個陣食係一流👍🏼 - 🔸芝士烤焗雞塊 ☻︎: 9/10 起初以為佢係雞塊上面放芝士醬/碎去烤🧀原來都幾有驚喜 同我想像既唔一樣 外層用上麵包糠同芝士粉去包住雞塊🍗雖然顏色上望落好似好燶咁 但呢個都係焗咗芝士粉既效果🙈食落口好香芝士味 但完全唔會腬🤤雞塊比較厚肉 但仍然保持到嫩滑多汁 係好食既😋 - 🔸日式蕨餅 ☻︎: 8/10 呢個就係當日限量既甜品 由於係限量 所以落單前可以先叫店員留起🙆🏼♀️🙆🏼♂️對於我黎講 蕨餅既甜度大概有6分甜🤏🏼煙韌度足夠 軟腍腍 粒粒都沾上黃豆粉 係一個簡單得黎又唔會好重罪惡感既甜品🤭 - 整體食物都算唔錯 店舖走既路線雖然有點平實不過佢既食物又俾到人驚喜 亦都比較有健康感😆佢既自家製水果冰茶都可以試吓 微甜有果香🍊食到飽飽地飲幾啖都係幾舒服既😌價錢唔算好貴 不過意粉份量小啲 男士就未必會夠🤭但佢地既水準都唔算差 值得一試👍🏼📌FooDo📍旺角通菜街1A-1L號威達商業大廈地下C號舖-🧸🌞C.ookingbear推介指數 👉🏼👉🏼8️⃣🌟
