我鐘意去居酒屋既原因 係因為居酒屋唔會有催趕辛勞完一日之後 可以係呢度食吓野傾下計放鬆一下😌個種環境氣氛可以將你一日既煩惱清除 好享受😮💨今次揀呢間居酒屋 都係盲頭烏蠅咁去揀🙈不過當然有望過佢食物種類同選擇都夠多先揀既😎網上評價都唔錯 仲有7折 看似都唔會點中伏👍🏼-遠處就已經可以望到居酒屋門口掛上一個燈籠🏮 向上望就已經可以望到大大牌匾 急不及待要入去🏃🏼♂️🏃🏼♀️ 店內既環境俾到我一種真係去咗日本既感覺🎏牆身上基本唔會望到有單調既一刻 貼滿咗有關日本食物既相關圖/字 好有親切感🤩而且仲會見到一枝枝清酒並列 好吸睛🍾 店內分兩層 下層有塌塌米同普通枱 但每張枱與枱中間都有屏風🤚🏽可以增加私隱度 呢個要讚👍🏼上層就以bar枱同卡位為主 私隱度再多啲 特別係卡位🤪 -🔸前菜 ☻︎: 8/10前菜似漬物 有腐皮 蒟蒻同大根漬味道好清新 而且好爽口 會更加令到人開胃🤤不足10秒我就已經清晒 比較少漬物會令我食唔停口😋我貪心啲 所以想佢再大碟啲 唔係好夠喉🤭 -🔸三文魚刺身 ☻︎: 9/10🔸鮮吞拿魚赤身刺身 ☻︎: 8/10🔸烏賊刺身 ☻︎: 9/10🔸八爪魚刺身 ☻︎: 8/10厚切三文魚超級肥美🤤入口一咬就勁多魚油🐟味道鮮甜 魚油既鮮味不斷係口腔徘徊 有質素👍🏼赤身雖不及三文魚既肥美 但鮮味拍得住三文魚🤪同樣都係厚切 油香無咁多 但係吞拿魚既味道好出💯而且無筋 入口好輕易就將佢溶化😍食刺身新鮮係好重要 好不容易就會變腥 🧐食左兩款魚類都算出色 主要既油香同鮮味都有👍🏼烏賊刺身就夠晒爽口🦑食完魚油重既刺身 就偏向揀返清新啲既同樣都無出現任何腥味/雪味 爽口滑溜 一解油膩感😋八爪魚係因為太耐無食所以先嗌 話說細細個成日都會食🐙不過又真係有啲驚喜 佢好有咬口而且唔係韌 😌試過食過一啲真係好似咬緊擦紙膠咁 呢個就唔會👍🏼 -🔸酒盜芝士 ☻︎: 7/10呢個小食我係第一次食 膽粗粗咁嗌黎試😌有人話佢係用魚內臟 魚腸加鹽醃制而成既食品又有人話佢係用多種調味料再配製而成既調味醬🤔我食呢個 我覺得似後者 因為佢好有一種麵豉醬既味道🤓咸咸地配上芝士🧀唔知點解又出奇地夾 第一次接觸既味道味道濃得黎又唔會太咸 亦唔會有一種好腬既感覺😋佢好岩送酒🍺肯定會唔覺唔覺飲多咗 所以點解叫酒盜😆 -🔸雞泡魚干 ☻︎: 9/10燒魚干既火喉控制得剛好 魚干煙煙韌韌 好有咬口👍🏼魚干上有甜甜地既味道 同埋佢既魚干係偏向厚身🤏🏼無論味道同燒功都掌握得好好 可以唔洗沾醬食都得😌 -🔸溏沁鵪鶉蛋串 ☻︎: 7/10燒既效果唔算太睇到 不過蛋就夠晒有味同邪惡以鵪鶉蛋黎講唔算細粒 粒粒都幾爆黃🤪🔸一口蕃薯串 ☻︎: 9/10保留適當既濕潤度 入口又唔會粘口 蕃薯既甜味突出🍠🔸牛舌串 ☻︎: 7/10厚切既牛舌 輕微既黑椒同鹽香滲入牛舌 軟腍燒香既口感👍🏼🔸雞腎串 ☻︎: 7/10燒既時間上可以再耐啲 咬口豐富而不韌 微咸又唔搶味🤤🔸雞軟骨串 ☻︎: 9/10串燒必叫 燒得脆身粒粒金黃 食一串實在太少喇😂🔸蒲燒鰻魚 ☻︎: 8/10半條既鰻魚 燒得好香口 鰻魚汁蓋住整塊鰻魚 有碗白飯會更好🤪本身蒲燒鰻魚都唔會有腥呢個問題 所以只要燒得好就可以 -🔸沖繩苦瓜炒豚肉 ☻︎: 9/10食返少少菜類解解膩 薄切一片片既沖繩苦瓜🥒比起一般既苦瓜苦味會少啲 容易令人接受🤭吸收咗豚肉既油香 再配上滑蛋🍳味道會再提升豚肉既份量可以再多少少就好😌 -🔸沃川黑醬油叉燒拉麵 ☻︎: 8/10黑醬油味道唔算好重 湯底亦都唔油膩但奇怪地 每一啖麵又可以好清晰食得出黑醬油😲麵質唔算太淋身 襯熱食會比較好😳叉燒入味又厚肉🐷肥肉都偏少 我比較鐘意😆 -呢間居酒屋俾我既感覺都好舒服 同日本既唔差得遠🎎食物好食 選擇多🍣員工有禮貌又客氣居酒屋黎講呢度既環境唔會好嘈 值得一試👍🏼 📌漁正居酒屋📍佐敦庇利金街42號金陵大廈地舖-🧸🌞C.ookingbear推介指數 👉🏼👉🏼8️⃣🌟
