一見到呢個舖名 好自然就覺得個老闆係好中意error既😂 食食吓都聽到#193怎斷手哎呀哎呀哎呀😆😆 成間店都係粉紅色 好少女 同呢四個大男孩真係唔夾呀喂🤣 不過呢間cafe 好岩大家係度影相 特別係愛粉紅色既人💓 每一個角落同佢四周既裝飾都好靚😍 同朋友上黎傾下計飲杯野食件cake都唔錯🍰 佢門口走廊位仲有張必打卡既鞦韆櫈 港女mode🔛 由於應該係新開無耐 門口都仲擺放緊開張既花牌🌷 見啲員工都幾融洽 仲會討論吓啲菜式點會再好啲👍🏼 最緊要係對客人都好有禮貌好客氣 又坐得舒服😌 ⚠️原諒我唔記得影低餐牌 所以啲名可能會有出入⚠️ - 🔸黑松露醬芝士薯條 我好中意佢既器皿同餐具 同間舖係好match好好睇😂 薯條新鮮炸起熱辣辣 仲係好脆口🥔係有靈魂既薯條🍟 除左有黑松露醬沾之外 薯條上面都有磨碎咗既黑松露碎 呢隻芝士既味道同薯條係夾既 有啲似車打芝士🧀 不過可以考慮吓唔好用片裝 用碎上 咁就可以更平均😌 - 🔸西班牙豬扒伴蘋果梨莎莎醬 我地叫左佢既dinner set🍽包咗餐湯同沙律🥗 今晚既餐湯係甘筍湯 唔肯定係咪有啲蕃茄成份 因為飲到有少少羅宋湯味 微酸得黎幾開胃 飲晒😆 主菜呢個西班牙豬扒🇪🇸一埋枱就好香好香🤤 賣相好靚仔 煎到有少少金黃色咁 好高質👍🏼 切開豬扒 好多肉汁 好嫩滑既肉質 有啲似係慢煮過😍 要幫佢起個朵叫補濕豬扒🤤無諗過佢難食 但都無諗過可以咁高質 係令我喜出望外既🤩 本身塊豬扒咁濕潤都好食 加埋佢個蘋果梨莎莎醬🍎🍐 即時將味道再提升 亦可以減去油膩感 出色👍🏼 仲有兩粒薯仔同煎香咗既瓜菜伴碟🥒 唔會只係食肉咁單調😌真係要講十次好高質🤤 - 🔸木糠蛋糕 叫之前都問左店員知道唔細份 所以都已經唔敢叫太多野食 點知黎到真係有成四分一個蛋糕咁多😂 如果想試甜品既 都建議大家望下份量有幾多先🤭 呢個木糠蛋糕有造型既 面頭鋪上一遍藍海咁 不過個啫喱藍海同個蛋糕又好似唔太夾🤔 雖然佢無乜味既 但食落個感覺就有啲怪怪的😂 但個蛋糕就好食 唔會太甜死甜 鬆軟既海棉蛋糕🍰唔乾身 不過真係太大舊 最後都食淨咗3分1🤭 - 🔸菠蘿檸檬梳打 🔸薄荷青瓜梳打 兩杯都係好清新既梳打 經過見到店員好專心咁係bar調配🍹 味道唔錯 應有既味道都飲到 同埋佢唔甜 唔會飲完都好口渴👍🏼 - 好多時試啲新開既餐廳 或者外表好靚既餐廳 最後都會搭直升機走人🚁 不過今次呢度啲野食係幾有驚喜😋係可以encore既一間👍🏼 📌Error 19 📍旺角彌敦道726號19樓 - 🧸🌞C.ookingbear推介指數 👉🏼👉🏼8️⃣🌟