呢餐係🧸帶🌞去食既一餐生日飯 的確食到好滿足🥰尖沙咀好食既日本野有好多 呢間都唔例外😌屹立係藍馬呢棟美食大廈入面 佢唔止得一層🤭 環境無咩特別 帶有少少日本居酒屋既感覺🍺無任何既打卡位 佢既影相位就係係啲食物度📸 今次嗌既野食都幾多 所以重點講吓以下幾樣🤪 -🔸活海膽上枱既時候啲刺仲郁緊🤭真係好活🤩十分鮮甜 入口即溶 簡直係跌入人間既天堂🤤唔洗點任何醬汁就咁放入口係最正👍🏼 -🔸鹽燒牛舌🔸雞泡魚干🔸炸一口芝士🔸炸雞軟骨燒物黎講味道都調得幾好 唔會淡茂茂又唔會太咸😋牛舌唔會太乾身 而且夠厚身 咬起上黎都有口感😌雞泡魚干唔係度度都整得好食 有d會變左做魚乾😂呢度既魚干燒得唔錯 少少焦口感 唔乾身 味道都夠😋 -🔸牛油果軟殼蟹反卷壽司飯本身已經做左調味 所以連豉油都可以唔點😌啲飯唔會大大舊塞飽你 蟹既比例都幾大舊👍🏼同埋幾香口😋 -🔸甲羅燒記得要襯熱既時候撈勻佢 如果唔係就會硬晒舦🦀佢配咗幾塊好脆既多士俾你 份量都唔少😲食到🧸舔舔脷 不過凍咗食就會有少少🤏🏼腥 -🔸清酒煮蜆見到隔離枱個蜆大大粒 我都忍唔住要嗌😋黎到又大兜又大粒 仲有啲蘿蔔墊底 好完美喇係咪🤭點知…一食落口 咸到我呀媽都唔認得🙈食唔到落去佢似係將鹽當左糖個隻 唔係重手落多左鹽個隻😭我叫個侍應黎試吓 真係頂唔緊🤭佢試完都幫我cxl咗呢個order😭由於我見隔離枱食係無事 所以我相信係個廚師搞錯咗🙊 -🔸生日火山卷最正既野緊係要放係壓軸講喇🤤呢個火山卷由好幾舊小卷砌成 加上滿到瀉既海膽同三文魚籽🤤聽講每個黎食生日飯既都會嗌佢😂壽司飯同樣已經經過調味👍🏼豉油可以skip😆海膽一樣都係好鮮甜😋真係好難忘好高質🙈配埋脆卜卜既魚籽 真係食佢好過食生日蛋糕😆 -呢一餐性價比都幾高 但蜆稍為扣咗啲分但其他野可以補夠得到 所以都好值得食🤪 📌鮨一日本料理📍尖沙咀厚福街12號藍馬商業大廈18樓-🧸🌞C.ookingbear推介指數 👉🏼👉🏼9️⃣🌟