為咗Bookmark咗好耐既Lucy Coffee & Food而出長沙灣 唔知係因為時間仲早定係我地好彩 去到唔駛等就即刻入得🥳 店舖好細 只有4張枱 疫情關係每張枱只招待2位客人 佢地主要以木系為主 走懷舊復古風格 - 唔同其他Café 佢地每日都會有唔同款式既甜品 想知道當日有咩甜品 就要睇佢地玻璃板上寫既是日蛋糕📋 由於佢地係限量供應 賣晒就冇架喇 真係手快有手慢冇 - 🔸雲尼拿半熟芝士蛋糕🍰 依度既半熟芝士好出名 果然係堅正!👍🏼 蛋糕面有少少微焦 食落脆口 半熟芝士好軟滑 中間有少少creamy 入口即溶🤤 雲尼拿同芝士味非常之夾 令我停唔到口🤤 - 🔸咖啡焦糖雞蛋布丁🍮 布丁好滑溜仲好挺身 唔會一筆落去就散晒 食落去咖啡味好濃郁 我覺得有啲苦😣 底層有焦糖醬 撈埋一齊食就可以中和到咖啡既苦澀 但我始終都係鍾意食甜既布丁🙈 - 🔸伯爵茶可可 🔸水蜜桃果粒茶 起初諗住用咗黑朱古力味道會冇咁甜 但第一啖飲落去超甜😥 以為未攪勻 但攪勻咗之後都依然好甜 成杯野只係飲到好濃既朱古力味 但係完全飲唔到有伯爵茶香☹️ 飲到最後仲覺得好漏 另一杯就飲唔到水蜜桃既味 只係飲到好酸😑 完全同我想像中唔一樣 值得一讚既係用咗冰球代替冰粒 可以解決快速融化既問題 - 整體黎講 甜品係比較出色不過價錢偏貴 而飲品真係跌晒眼鏡 我諗試一次就夠了🥴 📌Lucy Coffee & Food 📍長沙灣保安道55號美寧中心C座地下C1號舖 - 🧸🌞C.ookingbear推介指數 👉🏼👉🏼 5️⃣🌟