第二次黎呢間比較街坊式既糖水舖🍧 一般既糖水舖地方都有限 佢都唔例外😲 唔好睇佢細細間 甜品既種類都包羅萬有😌 佢仲會有啲時令水果既甜品配搭 就岩季節就有得食😬 - 🔸芒果芋圓小丸子配3.6牛奶布甸 我係門口餐牌見到就一心決定要食佢🥭🍮 唔知點解 一見到個名就已經覺得好吸引🤭 芒果就岩夏天當造既季節 所以又香又甜 甜品係用芒果汁做底 食完可以順便飲埋😆 小丸子同芋圓好有咬口 煙煙韌韌好正😋 個布甸奶味好出 仲好滑溜 好夾個芒果汁👍🏼 - 🔸牛奶綿綿冰+小丸子+椰果+oreo碎 每款綿綿冰都會配兩款自選配料😌 我地為食啲 中意見到佢滿滿的 於是加多款🤪 呢度既綿綿冰都好細滑同埋好夠奶🥛 佢都唔會係好快溶個隻 我地慢慢食都ok👌🏽 要讚吓佢個椰果 唔似係罐頭個隻假椰果🤭 係好有椰子水味 個感覺有啲似椰子味啫喱😆 所以呢個我幾欣賞 陣味唔假👍🏼 📌大街小館 📍黃大仙銀鳳街16號地舖 - 🧸🌞C.ookingbear推介指數 👉🏼👉🏼8️⃣🌟