呢間店係韓國過江龍有店係韓國仁川琴日尖沙咀店Grand Opening🎊仲有間開左係屯門市廣場屯門個間仲有塌塌米坐😍餐廳有唔少濟州柑橘🍊食物杯飲品非常特別~好適合打卡餐廳以白色配木系裝潢真係既簡潔又明亮🔅各個座位亦非常舒適 -蛋包飯-🔸燉牛肋骨蛋包飯 $178蛋包飯最緊要個蛋夠嫩滑，呢個蛋包飯個蛋好得，食落口好soft又濃蛋味！個蛋包住炒過嘅飯，飯粒粒分明唔會過濕。兩大舊牛肋骨都燜得好淋，有點驚喜係個牛仲有焦香味道，應該有再煎過或烤過，醬汁又夠多，配埋一齊食好惹味，真係非常出色！ 配菜仲有蘆筍、冬菇、蘿蔔。 -韓式炸雞-🔸濟州柑橘炸雞無骨 半份 $108呢款炸雞無骨，用左濟州柑橘醬，酸酸甜甜，好開胃惹味。碟上仲有柑橘醬檸檬片，完全無油膩感，雞肉非常嫩滑。配菜仲有薯條、韓式年糕，年糕沾上柑橘汁，咬落口又Ｑ軟。 -韓式輕食-🔸傳統紫菜包飯 $72好難得搵到有韓國阿珠媽整嘅飯卷味道！內餡有牛肉，真係愈食愈想念韓國呀😩 -韓式麵包-🔸水果忌廉三文治 $62呢款三文治係以季節時令生果做內餡，order前可問一問職員。琴日去食內餡係濟州柑橘，配有厚厚嘅忌廉。忌廉食落口軟綿綿好creamy，咬開濟州柑橘好juicy爆晒汁，非常鮮甜。三文治包唔會過厚又鬆軟，好好食。 -甜品-🔸士多啤梨Tiramisu $68呢款甜品岩晒打卡！佢係以一個方形膠盒送上檯， 士多啤梨鋪滿左四邊，頂層中間仲放有一粒士多啤梨。個size都好大，底層仲有海綿蛋糕，中層有士多啤梨mousses，頂層有芝士層。 -飲品-🔸濟州柑橘特飲 $68賣相滿分！有成個柑橘放左係杯做杯蓋🤣佢係一杯柑橘乳酪，本身柑橘甜，而乳酪酸酸地，兩者合併中和左個味道，幾特別！ 🔸夢幻紫薯牛奶 (熱) $48紫薯控必點之飲品。隻紫色真係好夢幻，每啖都猶如絲綢般香滑，有濃郁紫薯味。 #CABLfoodreview食物：⭐⭐⭐⭐⭐環境：⭐⭐⭐⭐⭐服務：⭐⭐⭐⭐⭐ （5星為滿分）📍Terrace in Seaside 尖沙咀廣東道3-27號海港城海運大廈2樓OT233號舖My Instagram:👩🏻🍳https://www.instagram.com/cookandbakeladyMy Facebook:https://www.facebook.com/cookandbakeladyy喜歡請比Like我既IG & FB💕#Terraceinseaside #coffee #creamsandwich #Chill #omurice #Cafe #hkfoodie #foodietaste #hkcafe #hkfood #foodstagram #koreanfood #hkblogger #foodporn #foodphoto #tstfood #igable #foodiehk #852food #韓國菜 #韓國過江龍 #吃貨人生 #食評分享 #食評 #尖沙咀美食 #美食日記 #相機食先 #打卡 #度假
